പഞ്ചാബില് പ്രധാനമന്ത്രിക്കു ഉണ്ടായത് ഗുരുതര സുരക്ഷാ വീഴ്ചയെന്നു സുപ്രീംകോടതി നിയോഗിച്ച വിദഗ്ധ സമിതി
![single-img](https://www.evartha.in/archive/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2020/03/supreme-court-1.jpg)
പഞ്ചാബില് പ്രധാനമന്ത്രിക്കു ഉണ്ടായത് ഗുരുതര സുരക്ഷാ വീഴ്ച ആണ് എന്ന് സുപ്രീംകോടതി നിയോഗിച്ച വിദഗ്ധ സമിതിയുടെ റിപ്പോർട്ട്. സുപ്രീം കോടതി റിപ്പോര്ട്ട് തുടര്നടപടികള്ക്കായി കേന്ദ്ര സർക്കാരിന് കൈമാറി.
പ്രധാനമന്ത്രി ഈ റൂട്ട് ഉപയോഗിക്കുമെന്ന് മുൻകൂട്ടി വിവരം ലഭിച്ചിട്ടും ഫിറോസ്പൂർ എസ്എസ്പി, തന്റെ ചുമതല നിർവഹിക്കുന്നതിൽ പരാജയപ്പെട്ടുവെന്ന് ചീഫ് ജസ്റ്റിസ് എൻവി രമണയുടെ നേതൃത്വത്തിലുള്ള ബെഞ്ച് നിരീക്ഷിച്ചു.
ക്രമസമാധാനപാലനത്തിന്റെ ചുമതല നിർവഹിക്കുന്നതിൽ ഫിറോസ്പൂർ എസ്എസ്പി പരാജയപ്പെട്ടു. മതിയായ പൊലീസുകാരെ ലഭ്യമായിട്ടും പ്രധാനമന്ത്രി മോദി ആ വഴി ഉപയോഗിക്കുമെന്ന് രണ്ട് മണിക്കൂർ മുമ്പ് അറിയിച്ചിട്ടും അദ്ദേഹം ഇത് ചെയ്യാൻ പരാജയപ്പെട്ടു, ”സിജെഐ ഇന്ന് കോടതിയിൽ പറഞ്ഞു
പ്രധാനമന്ത്രിയുടെ സുരക്ഷ ശക്തമാക്കുന്നതിനുള്ള പരിഹാര നടപടികൾ അഞ്ചംഗ സമിതി നിർദേശിച്ചിട്ടുണ്ടെന്നും കോടതി കൂട്ടിച്ചേർത്തു. ആവശ്യമായ നടപടികൾ സ്വീകരിക്കുന്നതിന് ഞങ്ങൾ റിപ്പോർട്ട് കേന്ദ്രത്തിന് അയക്കും,” കോടതി പറഞ്ഞു.