ഒരു വാർഡ് തെരഞ്ഞെടുപ്പിനെ നേരിടാൻ ശേഷിയില്ലാത്തവരാണ് പാർട്ടിയെക്കുറിച്ച് സംസാരിക്കുന്നത്: മനീഷ് തിവാരി

single-img
27 August 2022

ഗുലാം നബി ആസാദ് പാർട്ടിയിൽ നിന്ന് രാജിവെച്ചതിനെക്കുറിച്ചു പ്രതികരണവുമായി മനീഷ് തിവാരി. നേതൃത്വം ആത്മപരിശോധന നടത്താൻ തയ്യാറാവണമെന്ന് അദ്ദേഹം ആവശ്യപ്പെട്ടു.

പാർട്ടിയുടെ സ്ഥിതി ആശങ്കാജനകമാണെന്നും അത് ഗൗരവമായി കാണണമെന്നും രണ്ട് വർഷം മുമ്പ് ഞങ്ങൾ 23 പേർ സോണിയാ ഗാന്ധിക്ക് കത്തെഴുതിയിരുന്നു. ആ കത്തിന് ശേഷം നടന്ന എല്ലാ നിയമസഭാ തെരഞ്ഞെടുപ്പുകളിലും കോൺഗ്രസ് പരാജയപ്പെട്ടു. 1885 മുതൽ ഇന്ത്യയും കോൺഗ്രസും തമ്മിലുള്ള ഏകോപനത്തിൽ ഒരു വിള്ളൽ വീണതായി തോന്നുന്നു. ഒരു ആത്മപരിശോധന ആവശ്യമാണ്. 2020 ഡിസംബർ 20-ന് സോണിയാ ഗാന്ധിയുടെ വസതിയിൽ നടന്ന യോഗത്തിന്റെ സമവായം നടപ്പിലാക്കിയതായി എനിക്ക് തോന്നുന്നു, ഈ സാഹചര്യം. എത്തില്ലായിരുന്നു- മനീഷ് തിവാരി പറഞ്ഞു.

നേതൃത്വത്തിനെതിരെ വിമർശനവുമായി കൂടുതൽ നേതാക്കൾ രംഗത്ത് വരുന്നത് കോൺഗ്രസിനകത്ത് വലിയ പ്രതിസന്ധിയാണ് സൃഷ്ടിക്കുന്നത്. കപിൽ സിബൽ അടുത്തിടെയാണ് കോൺഗ്രസ് വിട്ട് എസ്.പിയിൽ ചേർന്നത്. ഇതിന് പിന്നാലെയാണ് ഗുലാം നബിയുടെ രാജി. ആനന്ദ് ശർമ, ശശി തരൂർ തുടങ്ങിയവരും നേതൃത്വത്തിന്റെ നീക്കങ്ങളിൽ അതൃപ്തി പരസ്യമാക്കി രംഗത്ത് വന്നിരുന്നു.