മതപരമായ ചടങ്ങിൽ നിന്നും ലഭിച്ച പ്രസാദം കഴിച്ചു; അസമിൽ കുട്ടികളടക്കം 70 ഗ്രാമവാസികളെ ആശുപത്രിയിൽ പ്രവേശിപ്പിച്ചു
അസമിലെ ലഖിംപൂർ ജില്ലയിൽ ഒരു മതപരമായ ചടങ്ങിൽ നിന്നും ലഭിച്ച പ്രസാദം കഴിച്ചതിനെ തുടർന്ന് ഭക്ഷ്യവിഷബാധ ഇട്ടതിനാൽ നിരവധി കുട്ടികളടക്കം 70 ഗ്രാമവാസികൾ രോഗബാധിതരായി. ജില്ലയിലെ നാരായൺപൂരിനടുത്തുള്ള പൻബാരി മേഖലയിലാണ് സംഭവം.
ബുധനാഴ്ച രാത്രി പൻബാരി ഗ്രാമത്തിലെ നിരവധി ആളുകൾ ഒരു മതപരമായ പരിപാടിയിൽ പങ്കെടുത്തിരുന്നു. ഇവിടെനിന്നുള്ള പ്രസാദം കഴിച്ചയുടനെ അവരിൽ പലരും വയറുവേദനയും ഛർദ്ദിയുമായി പരാതിപ്പെട്ടതായും പ്രദേശവാസികൾ പറഞ്ഞു.
സംഭവത്തെക്കുറിച്ച് അടുത്ത ദിവസം പ്രാദേശിക ആരോഗ്യ ഉദ്യോഗസ്ഥരെ അറിയിച്ചപ്പോൾ അവർ ഗ്രാമം സന്ദർശിച്ച് ഗുരുതരാവസ്ഥയിലുള്ള ചില രോഗികളെ ആശുപത്രിയിലെത്തിക്കുകയായിരുന്നു. ആഗസ്റ്റ് 24ന് രാത്രി ചില ഗ്രാമവാസികൾ ഒരു മതപരമായ ചടങ്ങിൽ പങ്കെടുത്തിരുന്നുവെന്നും എഴുപതോളം ഗ്രാമവാസികൾക്ക് പ്രസാദം കഴിച്ചതിന് ശേഷം വയറുവേദനയും വയറിളക്കവും ഛർദ്ദിയും അനുഭവപ്പെട്ടതായും നരൻപൂർ മോഡൽ ഹോസ്പിറ്റലിലെ ഡോക്ടർ എസ് ഗോഗോയ് പറഞ്ഞു.
“ഗ്രാമവാസികളുടെ അവസ്ഥയെക്കുറിച്ച് വിവരം ലഭിച്ചതിനെത്തുടർന്ന് ഞങ്ങൾ അടുത്ത ദിവസം ഗ്രാമത്തിലെത്തി അവരെ ചികിത്സയ്ക്കായി ആശുപത്രിയിലേക്ക് കൊണ്ടുപോയി. ഓഗസ്റ്റ് 26 ന് 22 സ്ത്രീകളും ആറ് കുട്ടികളും ഉൾപ്പെടെ 32 രോഗികളെ നാരായൺപൂർ മോഡൽ ആശുപത്രിയിൽ പ്രവേശിപ്പിച്ചു. ഇന്ന് 30 ഗ്രാമീണർ കൂടി ആശുപത്രിയിൽ എത്തി.
ഞങ്ങൾ 10 സ്ത്രീകളടക്കം 19 പേരെ പ്രവേശിപ്പിച്ചു. ഞങ്ങൾ ഗ്രാമവാസികൾക്കിടയിൽ മരുന്നുകളും വിതരണം ചെയ്തു. വയറുവേദന, വയറിളക്കം എന്നിവയെക്കുറിച്ച് പരാതിപ്പെട്ട മറ്റ് നിരവധി ഗ്രാമീണരും ഇവിടെയെത്തുന്നുണ്ട്, ”ഡോ എസ് ഗൊഗോയ് പറഞ്ഞു.
