കേന്ദ്രസര്ക്കാര് കൂടെയുള്ളപ്പോള് ലോകത്തിന്റെ ഏത് കോണിലാണെങ്കിലും, ഇന്ത്യക്കാര് സുരക്ഷിതരായിരിക്കും: കേന്ദ്രമന്ത്രി രാജ് നാഥ് സിംഗ്
27 February 2022
ഉക്രൈനില് കുടുങ്ങിയ അവസാന ഇന്ത്യക്കാരനെയും സുരക്ഷിതമായി രാജ്യത്ത് തിരികെ എത്തിക്കുമെന്ന് കേന്ദ്ര പ്രതിരോധമന്ത്രി രാജ് നാഥ് സിംഗ്. കേന്ദ്ര സര്ക്കാര് കൂടെയുള്ളപ്പോള് ലോകത്തിന്റെ ഏത് കോണിലാണെങ്കിലും, ഇന്ത്യക്കാര് സുരക്ഷിതരായിരിക്കുമെന്നും രാജ് നാഥ് സിംഗ് കൂട്ടിച്ചേർത്തു.
അദ്ദേഹത്തിന്റെ വാക്കുകൾ ഇങ്ങിനെ: ‘ഉക്രൈനിലുള്ള എല്ലാ ഇന്ത്യക്കാരെയും കേന്ദ്ര സര്ക്കാരിന്റെ ചിലവില് തിരികെ രാജ്യത്തെത്തിക്കും. ‘ഓപ്പറേഷന് ഗംഗ’ എന്ന് പേരിട്ടിരിക്കുന്ന രക്ഷദൗത്യത്തിനായി കൂടുതല് വിമാന സര്വീസുകള് ആരംഭിക്കുകയും ഉക്രൈന്റെ അയല് രാജ്യങ്ങളുടെ സഹായത്തോടെ ഇവരെ തിരികെ എത്തിക്കുകയും ചെയ്യും’