കെ സുരേന്ദ്രൻ ശരണപാതയിൽ ലഹരിവസ്തുക്കൾ ഉപയോഗിച്ചതായി ആരോപണം: വീഡിയോ സമൂഹമാധ്യമങ്ങളിൽ വൈറലാകുന്നു

ബിജെപി നേതാവ് കെ സുരേന്ദ്രൻ ശബരിമലയിലേയ്ക്കുള്ള കാനനപാതയിൽ വെച്ച് ലഹരി വസ്തുക്കൾ ഉപയോഗിച്ചതായി ആരോപണം. കെ സുരേന്ദ്രനോട് രൂപസാദൃശ്യമുള്ളയാൾ പാൻമസാല ഉപയോഗിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലായിരിക്കുകയാണ്.

ശബരിമലയിലേയ്ക്ക് കയറിപ്പോകുന്ന വഴിയോട് സാമ്യമുള്ള സ്ഥലത്ത് വെച്ച് കൂടെയുള്ളയാൾ നൽകിയ പാൻമസാല കെ സുരേന്ദ്രൻ ഉപയോഗിച്ചതായാണ് വീഡിയോ പ്രചരിപ്പിക്കുന്നവർ ആരോപിക്കുന്നത്. വ്രതനിഷ്ഠയോടെ ഭക്തർ പോകുന്ന ശബരിമല തീർത്ഥാടനത്തിനിടയിൽ അയ്യപ്പഭക്തനെന്ന് സ്വയം അവകാശപ്പെടുന്ന കെ സുരേന്ദ്രൻ ലഹരിവസ്തുക്കൾ ഉപയോഗിച്ചു എന്നത് ഗുരുതരമായ ആരോപണമാണ്.

എന്നാൽ ഇത്തരമൊരു വീഡിയോ ശ്രദ്ധയിൽപ്പെട്ടിട്ടില്ലെന്നാണ് കെ സുരേന്ദ്രന്റെ പ്രൈവറ്റ് സെക്രട്ടറി ഇവാർത്തയോട് പ്രതികരിച്ചത്. വീഡിയോയിൽ കാണുന്നത് സുരേന്ദ്രൻ ആണോയെന്നും അദ്ദേഹം ഉപയോഗിക്കുന്നത് പാൻമസാല തന്നെയാണോയെന്നും സ്ഥിരീകരിക്കാൻ ഇവാർത്തയ്ക്ക് സാധിച്ചിട്ടില്ല.