തെരഞ്ഞെടുപ്പ് ഡ്യൂട്ടിക്ക് എത്താത്ത മൂന്ന് ഉദ്യോഗസ്ഥനും ഒരു പൊലീസുകാരനും അറസ്റ്റിൽ; നടപടി കലക്ടർ രേണുരാജിൻ്റെ നിർദ്ദേശപ്രകാരം
23 April 2019
തെരഞ്ഞെടുപ്പ് ഡ്യൂട്ടിക്ക് ഹാജരാകാതിരുന്ന നാല് ഉദ്യോഗസ്ഥരെ പൊലീസ് അറസ്റ്റ് ചെയ്തു. കൃത്യമായ കാരണം ഇല്ലാതെ ഡ്യൂട്ടിക്ക് ഹാജരാകാതിരുന്നവരാണ് അറസ്റ്റിലായത്.
തൊടുപുഴയിലെ ബാങ്ക് ജീവനക്കാരനായ ബെന്നി അഗസ്റ്റിൻ, ജില്ലാ എംപ്ലോയ്മെന്റ് ഓഫീസിലെ എലിസബത്ത് , ഇടുക്കി അസി. ടൗൺ പ്ലാനർ കെന്നഡി, എന്നിവരെയാണ് പൊലീസ് അറസ്റ്റ് ചെയ്തത്.
ദേവികുളം സബ് കളക്ടർ ഡോക്ടർ രേണു രാജിന്റെ നിർദ്ദേശ പ്രകാരമാണ് നടപടി. അറസ്റ്റിലായ ഉദ്യോഗസ്ഥർക്ക് പകരം ഉദ്യോഗസ്ഥരെ തെരഞ്ഞെടുപ്പ് ഡ്യൂട്ടിക്കായി നിയമിക്കുകയും ചെയ്തു.
പീരുമേട് നിയോജക മണ്ഡലത്തിൽ തെരഞ്ഞെടുപ്പ് ഡ്യൂട്ടിക്ക് ഹാജരാകാതിരുന്നതിനെ തുടർന്ന് മുല്ലപ്പെരിയാർ പോലീസ് സ്റ്റേഷനിലെ സിവിൽ പോലീസ് ഓഫീസർ തമ്പിരാജിനെ സസ്പെൻഡ് ചെയ്തിട്ടുണ്ട്.