59 മണ്ഡലങ്ങളിൽ നിന്ന് വിധിയെഴുത്ത്; 2014ല് 59ല് 44 സീറ്റുകള് ഒറ്റയ്ക്കു നേടിയ ബിജെപിക്ക് നിർണ്ണായകം
12 May 2019
ലോക്സഭ തെരഞ്ഞെടുപ്പിൻ്റെ ഭാഗമായി ഏഴ് സംസ്ഥാനങ്ങളിലെ 59 മണ്ഡലങ്ങളായി ആറാംഘട്ട വിധിയെഴുത്ത് പുരോഗമിക്കുന്നു.ബിഹാര് 8, ഹരിയാന 10, ജാര്ഖണ്ഡ് 4, മധ്യപ്രദേശ് 8, യുപി 14, ബംഗാള് 8, ഡല്ഹി 7 എന്നിവയാണ് ആറാം ഘട്ട വോട്ടെടുപ്പില് വിധിയെഴുതുന്ന 59 മണ്ഡലങ്ങള്.
മോദി തരംഗം ആഞ്ഞടിച്ച 2014ല് 59ല് 44 സീറ്റുകള് ബിജെപി ഒറ്റയ്ക്ക് നേടിയിരുന്നു. കോണ്ഗ്രസ് -2, തൃണമൂല് കോണ്ഗ്രസ്-8, ഐഎന്എല്ഡി -2, അപ്നാ ദള്-1, സമാജ് വാദി പാര്ട്ടി-1, ലോക് ജനശക്തി പാര്ട്ടി-1 എന്നിങ്ങനെയായിരുന്നു അന്നത്തെ വിജയം.
ഉത്തര്പ്രദേശിലെ 14 മണ്ഡലങ്ങളില് 12 സീറ്റുകളില് ബിജെപി വിജയിച്ചിരുന്നു. ഒരിടത്ത് സഖ്യകക്ഷിയായ അപ്നാദള്. എന്നാല് ഇത്തവണ യുപിയിലെ ശക്തി കേന്ദ്രങ്ങളില് ബിജെപിക്ക് എസ്പി-ബിഎസ്പി-ആര്എല്ഡി മഹാസഖ്യം കടുത്ത വെല്ലുവിളി ഉയര്ത്തുന്നു.