വനിതകൾക്കായി ഡ്രൈവിംഗ് സ്കൂളുമായി സൗദി സർവകലാശാല
സൽമാൻ രാജാവ് സൗദിയിൽ വനിതകൾക്ക് ഡ്രൈവ് ചെയ്യാൻ അനുമതി നൽകുന്ന ചരിത്രപരമായ ഉത്തരവിറക്കിയതിനു പിന്നാലെ സൗദിയിൽ ഒരു സർവകലാശാല വനിതകൾക്കായി ഡ്രെെവിംഗ് സ്കൂൾ ആരംഭിക്കുന്നു. പ്രിൻസസ് നൗറ സർവകാലശാലയാണ് ഡ്രൈവിംഗ് സ്കൂൾ ആരംഭിക്കുന്നത്. ബന്ധപ്പെട്ട അതോററ്റിയുമായി ചേർന്ന് ഡ്രൈവിംഗ് സ്കൂൾ ആരംഭിക്കുമെന്ന് സർവകലാശാല അധികൃതർ അറിയിച്ചു.
മൂന്നു പതിറ്റാണ്ടായുള്ള സ്ത്രീകളുടെ ആവശ്യത്തിനാണ് സൽമാൻ രാജാവിന്റെ ഉത്തരവോടെ ഫലമുണ്ടായത്. അടുത്ത ജൂണോടുകൂടിയേ ഉത്തരവ് പ്രാബല്യത്തിൽ വരികയുള്ളു. ഉത്തരവിനെക്കുറിച്ച് പഠിക്കാൻ ഒരു കമ്മിറ്റിയെയും നിയോഗിച്ചിട്ടുണ്ട്.
