മന്ത്രി എം ബി രാജേഷിനെ സ്ഥാനത്ത് നിന്ന് മാറ്റി നിര്ത്തി ജൂഡീഷ്യൽ അന്വേഷണം നടത്തണം: രമേശ് ചെന്നിത്തല
![single-img](https://www.evartha.in/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2022/11/ramesh-chennithala.gif)
വിവാദമായ മദ്യനയ അഴിമതിയിൽ എക്സൈസ് മന്ത്രി എം.ബി രാജേഷിനെ സ്ഥാനത്ത് നിന്ന് മാറ്റി നിര്ത്തി സിറ്റിംഗ് ജഡ്ജിയെക്കൊണ്ട് ജൂഡീഷ്യൽ അന്വേഷണം നടത്തണമെന്ന് കോണ്ഗ്രസ് നേതാവ് രമേശ് ചെന്നിത്തല . മദ്യനയം മാറ്റുന്നതിന് പിന്നിലെ വ്യക്തമായ അഴിമതിയാണ് പുറത്തു വന്നിരിക്കുന്നതെന്നും, മന്ത്രിയും സര്ക്കാരും സി പി എമ്മും ഇപ്പോള് വീണിടത്തു കിടന്നു ഉരുളുകയാണെന്നും അദ്ദേഹം ആരോപിച്ചു .
സംസ്ഥാന സര്ക്കാര് ഇത് വരെ മദ്യനയത്തില് മാറ്റം വരുത്തുന്നതിനുള്ള ചര്ച്ചകളിലേക്ക് കടന്നിട്ടില്ലെന്ന് മന്ത്രി പറയുന്നത് രക്ഷപ്പെടാനുള്ള തന്ത്രം മാത്രമാണെന്നും അദ്ദേഹം ആരോപിച്ചു. ഇവിടെ ഇത്രയും നീണ്ടു പോയതു ബാറുടമകളില് നിന്നുള്ള കോഴ കിട്ടാന് വൈകിയതു കൊണ്ടാണെന്ന് സംശയിക്കണം.
ബാറുടമാ നേതാവിന്റെ ശബ്ദസന്ദേശം ഈ സംശയം ബലപ്പെടുത്തുന്നുമുണ്ട്. യുഡി.എഫ് ഭരണകാലത്തിൽ സര്ക്കാര് അടച്ചു പൂട്ടിയ ബാറുകളെല്ലാം തുറന്നു എന്ന് മാത്രമല്ല യഥേഷ്ടം പുതിയ ബാറുകള് അനുവദിക്കുകയും ചെയ്ത് വഴി കേരളത്തിൽ യഥേഷ്ടം മദ്യലഭ്യത വർദ്ധിപ്പിക്കാനുള്ള ശ്രമമാണ് ഇവിടെ സർക്കാർ നടത്തിയിരിക്കുന്നതെന്ന് രമേശ് ചെന്നിത്തല കൂട്ടിച്ചേർത്തു.