ദീപക് ജീവനൊടുക്കിയ സംഭവം; ഷിംജിത മുസ്തഫയ്ക്കായി ലുക്ക് ഔട്ട് നോട്ടീസ്
സോഷ്യൽ മീഡിയ ആക്രമങ്ങളെ ഭയന്ന് കോഴിക്കോട് സ്വദേശി ദീപക് ജീവനൊടുക്കിയ സംഭവത്തിൽ പ്രതിയായ വടകര സ്വദേശി ഷിംജിത മുസ്തഫയ്ക്കായി പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചു. അറസ്റ്റ് നടപടികൾക്ക് മുന്നേയാണ് ഷിംജിത ഒളിവിൽ പോയത്.
ജനുവരി 18-നാണ് ഗോവിന്ദപുരം സ്വദേശിയായ ദീപക് ജീവനൊടുക്കിയത്. സംഭവത്തിനു മുൻപ് ബസിൽ യുവതിക്ക് നേരെ ലൈംഗികാതിക്രമം നടത്തിയെന്ന ആരോപണം ഉയർന്നിരുന്നു. കണ്ണൂരിലേക്കുള്ള യാത്രക്കിടെ ദീപക് അപമര്യാദയായി പെരുമാറുകയും, ശരീരത്തിലെ ദുരുദ്ദേശത്തോടെ സ്പർശിച്ചതായും യുവതി വടകര പൊലീസ് സ്റ്റേഷനിൽ പരാതി നൽകിയിരുന്നു.
അവകാശവാദപ്രകാരമുള്ള വീഡിയോ സമൂഹമാധ്യമങ്ങളിൽ പ്രചരിച്ചതോടെ സംഭവം വലിയ ശ്രദ്ധ നേടിയിരുന്നു. 20 ലക്ഷം പേർക്ക് മുകളിലാണ് വീഡിയോ കണ്ടതെന്നും, നിരവധിയായ ആളുകൾ ഇത് ഷെയർ ചെയ്തതായും റിപ്പോർട്ടുകൾ പറയുന്നു. സംഭവം ദീപകന്റെ മാനസിക സമ്മർദം വളർത്തിയതായി കുടുംബം വ്യക്തമാക്കി. ഷിംജിതയെ അറസ്റ്റ് ചെയ്താൽ മാത്രമേ മകനു നീതി ലഭിക്കൂ എന്നും കുടുംബാംഗങ്ങൾ വ്യക്തമാക്കി.
