ജനങ്ങൾ ബിജെപിയുടെ അക്കൗണ്ട് ക്ലോസ് ചെയ്തപ്പോൾ ഗവർണറിലൂടെ അത് തുറക്കാനാണ് ശ്രമം: ബൃന്ദാ കാരാട്ട്

കേരളാ ഗവർണർ ആരിഫ് മുഹമ്മദ് ഖാൻ ബിജെപിക്ക് വേണ്ടി പ്രവർത്തിക്കുകയാണെന്ന് സിപിഎം പിബി അംഗം ബൃന്ദാ കാരാട്ട്.കേരളത്തിലെ ജനങ്ങൾ തെരഞ്ഞെടുപ്പിൽ ബിജെപിയുടെ അക്കൗണ്ട് ക്ലോസ് ചെയ്തപ്പോൾ ഗവർണറിലൂടെ അക്കൗണ്ട് തുറക്കാനാണ് ബിജെപി ശ്രമമെന്നും ബ്രിന്ദ പറഞ്ഞു.

സംസ്ഥാന ഗവർണർ ഭരണഘടനാ മൂല്യങ്ങൾ ഉയർത്തിപ്പിടിക്കണം. സർക്കാർ നടത്തുന്ന പ്രവർത്തനങ്ങളെ താറുമാറാക്കുകയാണ് ഗവർണറെന്നും ബൃന്ദാ കാരാട്ട് പ്രതികരിച്ചു.

അതേസമയം ഗവർണർ ഉയർത്തുന്ന വധ ഗൂഢാലോചന ആരോപണങ്ങൾ പരസ്പര വിരുദ്ധമെന്ന് എ എ റഹീം എം പി പ്രതികരിച്ചിരുന്നു . അതിരുവിട്ട ആർഎസ്എസ് വിധേയത്വം മാത്രമായിരുന്നു ഗവർണറുടെ വാർത്താസമ്മേളനം. ഒരിക്കൽക്കൂടി ഗവർണർ തന്റെ പദവിയെ കളങ്കപ്പെടുത്തിയെന്നും റഹീം കുറ്റപ്പെടുത്തിയിരുന്നു.