ജയം രവി ചിത്രത്തിൽ നായികയായി പോലീസ് വേഷത്തിൽ കീർത്തി സുരേഷ്

തെന്നിന്ത്യയിലെ മുൻനിര നായിക കീർത്തി സുരേഷ് ഇപ്പോൾ തമിഴ്, തെലുങ്ക് സിനിമകളിൽ ചില വലിയ നായകന്മാരും സംവിധായകരുമൊത്ത് നിരവധി പ്രോജക്റ്റുകൾ കൈകാര്യം ചെയ്യുകയാണ്. മഹേഷ് ബാബുവിന്റെ ‘സർക്കാർ വാരി പാട്ട’യിലെ അൾട്രാ ഗ്ലാമറസ് കൊമേഴ്‌സ്യൽ നായിക കലാവതിയായും അരുൺ മാതേശ്വരൻ സംവിധാനം ചെയ്ത ‘സാനി കായിഡം’ എന്ന ചിത്രത്തിലെ ഡീഗ്ലാമറൈസ്ഡ് പൊന്നിയായും അവർ അടുത്തിടെ അത്ഭുതപ്പെടുത്തിയിരുന്നു.

ഇതോടൊപ്പം തന്നെ കീർത്തി ജയം രവിയുമായി ഒരു പുതിയ ചിത്രത്തിനായി ഒന്നിക്കുകയാണ്. നേരത്തെ ‘ഹീറോ’, ‘വിശ്വാസം’, ‘അണ്ണാത്തെ’ എന്നീ ചിത്രങ്ങളിലൂടെ ശ്രദ്ധേയനായ യുവ എഴുത്തുകാരൻ ആന്റണി ഭാഗ്യരാജാണ് ചിത്രം സംവിധാനം ചെയ്യുന്നത്.ചിത്രീകരണം ഓഗസ്റ്റ് 29 മുതൽ ആരംഭിക്കും.

ഇതുവരെ പേരിട്ടിട്ടില്ലാത്ത ചിത്രത്തിൽ കീർത്തി സുരേഷ് പോലീസ് വേഷത്തിലെത്തുമെന്നാണ് റിപ്പോർട്ട്. ‘സാനി കായിഡം’ എന്ന ചിത്രത്തിൽ ഒരു പ്രാദേശിക കോൺസ്റ്റബിളായി അഭിനയിച്ച അവർ രണ്ടാം തവണയാണ് കാക്കി ധരിക്കുന്നത്.