പ്രലോഭിപ്പിക്കുന്ന വത്രധാരണവും സമ്മതമായി കണക്കാക്കാം: വിചിത്ര വാദവുമായി എസ്കെഎസ്എസ്എഫ് നേതാവ് സത്താര് പന്തലൂര്
സിവിക് ചന്ദ്രനെതിരെ ലൈംഗിക പീഡന പരാതിയില് ‘ലൈംഗിക പ്രകോപനമുണ്ടാക്കുന്ന വസ്ത്രം ധരിച്ചതിനാല് ലൈംഗികാതിക്രമ പരാതി നിലനില്ക്കില്ലെന്ന’ കോഴിക്കോട് ജില്ലാ സെഷന്സ് ജഡ്ജിയുടെ ഉത്തരവിനെ അനുകൂലിച്ചു എസ്കെഎസ്എസ്എഫ് നേതാവ് സത്താര് പന്തലൂര് രംഗത്ത് വന്നു. consent അഥവാ സമ്മതം എന്നത് കൃത്യമായി നിര്വചിക്കപ്പെടാത്ത കാലത്തോളം, പ്രലോഭിപ്പിക്കുന്ന വസ്ത്രധാരണവും ഒരു സമ്മതമായി കണക്കാക്കാം എന്ന വിചിത്ര വാദമാണ് എസ്കെഎസ്എസ്എഫ് നേതാവ് സത്താര് പന്തലൂര് ഫേസ്ബുക്കിൽ പങ്കുവെച്ചത്.
ആഭാസകരമായ വസ്ത്രധാരണം പൊതുയിടങ്ങളില് വര്ധിച്ചുവരുകയാണെന്നും അതിനെ വസ്ത്ര സ്വാതന്ത്ര്യത്തിന്റെ പട്ടികയില്പ്പെടുത്താന് കഴിയില്ലെന്നും കുറിപ്പില് പറയുന്നു. കോടതിയുടെ പരാമര്ശം സ്ത്രീ സമൂഹത്തില് പോസിറ്റീവ് ചര്ച്ചകള്ക്ക് ഇടം നല്കുന്നതിന് പകരം വനിതാ കമ്മീഷന് പോലുള്ള സ്ത്രീകള്ക്ക് വേണ്ടിയുള്ള സംവിധാനങ്ങള് അതിനെ എതിര്ക്കുന്നത് അത്ഭുതകരമാണ്’, എന്നും സത്താര് പന്തലൂര് കൂട്ടിച്ചേര്ത്തു.
ഫെസ്ബൂക് പോസ്റ്റിന്റെ പൂർണ്ണരൂപം
രാതിക്കാരി ലൈംഗിക പ്രകോപനമുണ്ടാക്കുന്ന വസ്ത്രം ധരിച്ചതിനാൽ ലൈംഗികാതിക്രമ പരാതി നിലനിൽക്കില്ലെന്ന കോഴിക്കോട് ജില്ലാ സെഷൻസ് ജഡ്ജിയുടെ ഉത്തരവ് സമൂഹം ചർച്ച ചെയ്യേണ്ടതാണ്. പരാതിക്കാസ്പദമായ സംഭവം നടന്നിട്ടുണ്ടെങ്കിൽ പ്രതി ശിക്ഷിക്കപ്പെടട്ടെ.
Consent ഉണ്ടെങ്കിൽ ചിലർക്ക് എല്ലാമായല്ലൊ. അത് എന്താണെന്ന് കൃത്യമായി നിർവചിക്കപ്പെടാത്ത കാലത്തോളം, പ്രലോഭിപ്പിക്കുന്ന വസ്ത്രധാരണവും ഒരു കൺസെൻ്റായി കണക്കാക്കാം എന്ന വാദത്തിലും ന്യായം നിഴലിക്കുന്നുണ്ട്.
ആഭാസകരമായ വസ്ത്രം ധരിക്കുന്ന രീതികൾ പൊതു യിടങ്ങളിൽ വർധിച്ചു വരുന്ന ഇക്കാലത്ത് അതെല്ലാം വസ്ത്ര സ്വാതന്ത്യത്തിൻ്റെ പട്ടികയിൽപ്പെടുത്തി രക്ഷപ്പെടാവുന്നതല്ല. വസ്ത്രം ധരിക്കുന്നത് ശരീരം മറക്കുന്നതിനാണ്. അത് ശരീരം തുറന്നിടുന്നതിന് സമാനമാവരുത്. സ്ത്രീകൾക്ക് തന്നെയാണ് അത് സുരക്ഷിത പ്രശ്നമുണ്ടാക്കുന്നത്. എന്നാൽ മേൽ സൂചിപ്പിച്ച കോടതി പരാമർശം സ്ത്രീ സമൂഹത്തിൽ പോസിറ്റീവ് ചർച്ചകൾക്ക് ഇടം നൽകുന്നതിന് പകരം വനിതാ കമ്മീഷൻ പോലുള്ള സ്ത്രികൾക്ക് വേണ്ടിയുള്ള സംവിധാനങ്ങൾ അതിനെ എതിർക്കുന്നത് അത്ഭുതകരമാണ്.