വിവദത്തിനിടെ മുഖ്യമന്ത്രിയുടെ പ്രൈവറ്റ് സെക്രട്ടറിയായ കെ.കെ.രാഗേഷിന്റെ ഭാര്യയുടെ ഡെപ്യൂട്ടേഷന് നീട്ടി
![single-img](https://www.evartha.in/archive/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2022/08/kk-ragesh-wife-priya.jpg)
മുഖ്യമന്ത്രിയുടെ പ്രൈവറ്റ് സെക്രട്ടറിയായ കെ.കെ.രാഗേഷിന്റെ ഭാര്യ പ്രിയ വര്ഗീസിന്റെ ഭാഷാ ഇന്സ്റ്റിറ്റ്യൂട്ട് ഡെപ്യൂട്ടി ഡയറക്ടര് പദവിയാണ് ഒരു വര്ഷത്തേയ്ക്ക് നീട്ടി. നിലവിൽ കേരള വർമ കോളേജിലെ അസിസ്റ്റന്റ് പ്രൊഫസർ ആണ് പ്രിയ.
കണ്ണൂര് സര്വകലാശാല അസോസിയേറ്റ് പ്രൊഫസര് ആയി പ്രിയയെ തെരെഞ്ഞെടുത്തത് നേരത്തെ വിവാദമായിരുന്നു. മലയാളം അസോസിയേറ്റ് പ്രൊഫസറായുള്ള നിയമന പട്ടികയില് ഒന്നാം റാങ്കാണ് പ്രിയ വര്ഗീസിന് ലഭിച്ചത്. യുജിസി ചട്ടപ്രകാരമുള്ള എട്ട് വര്ഷത്തെ അധ്യാപന പരിചയമില്ലാതെയാണ് അസോസിയേറ്റ് പ്രൊഫസര് ഒഴിവില് പ്രിയ വര്ഗീസിന് ഒന്നാം റാങ്ക് നല്കിയത് എന്നാണ് ആരോപണം.
നേരത്തെ പ്രിയ വര്ഗീസിന്റെ നിയമനവുമായി ബന്ധപ്പെട്ട വിവാദത്തില് കണ്ണൂര് സര്വകലാശാല വൈസ് ചാന്സലര് ഡോ. ഗോപിനാഥ് രവീന്ദ്രനോട് അടിയന്തര വിശദീകരണം നല്കാന് ഗവര്ണര് ആരിഫ് മുഹമ്മദ് ഖാന് ആവശ്യപ്പെട്ടിരുന്നു. അസോസിയേറ്റ് പ്രൊഫസറായി പ്രിയ വര്ഗീസിന് നിയമനം നല്കിയത് ചട്ടവിരുദ്ധമാണെന്നും നിയമനം റദ്ദാക്കണമെന്നും ഗവര്ണര്ക്ക് പരാതി ലഭിച്ചതിനേ തുടര്ന്നായിരുന്നു ഗവര്ണറുടെ നടപടി.