കേരളത്തിലെ ദേശീയ-സംസ്ഥാന പാതയോരങ്ങളിൽ 24,000 ശുചിമുറികള് നിർമ്മിക്കും; തീരുമാനവുമായി മന്ത്രിസഭ
കേരളത്തിലെ ദേശീയ-സംസ്ഥാന പാതയോരങ്ങളിൽ ആകെ 24,000 ശുചിമുറികള് നിർമ്മിക്കാൻ സംസ്ഥാന മന്ത്രിസഭാ യോഗത്തില് തീരുമാനം. സ്ത്രീകള്ക്കും പുരുഷൻമാർക്കും പ്രത്യേകമായുള്ള ശുചിമുറി നിർമ്മാണത്തിന് മൂന്നു സെൻറ് ഭൂമി വീതമാണ് ആവശ്യം. ഇത് കണ്ടെത്തുവാൻ മന്ത്രിസഭ തദ്ദേശ സ്വയംഭരണ സ്ഥാപനങ്ങളെ ചുമതലപ്പെടുത്തി.
ഇതിന് പുറമെ സർക്കാരിൻറെയും സഹകരണ സ്ഥാപനങ്ങളുടെയും ഭൂമിയും ഇതിനായി വിനിയോഗിക്കും. സർക്കാരിന്റെ പദ്ധതിയുമായി സഹകരിക്കാൻ താൽപര്യമുള്ള ഏജൻസികളെയും പങ്കെടുപ്പിക്കും. തലസ്ഥാനമായ തിരുവനന്തപുരം നഗരത്തിൽ 24 മണിക്കൂറും സജീവമാകുന്ന നഗര കേന്ദ്രങ്ങള്തുടങ്ങാനും സർക്കാർ തീരുമാനിച്ചു.
ഇതിനായി നഗരസഭ കണ്ടെത്തുന്ന സ്ഥലത്ത് 24 മണിക്കൂറും കച്ചവട സ്ഥാപനങ്ങള് പ്രവർത്തിക്കും. കേരളത്തിലുള്ള മറ്റ് പ്രധാന നഗരങ്ങളിലും 2020 ഏപ്രിൽ ആരംഭിക്കാനും മന്ത്രിസഭ യോഗം തീരുമാനിച്ചു.പൊതു സ്ഥലങ്ങളിലുള്ള പൊതുശുചിമുറികളുടെ അഭാവം റോഡ് മാര്ഗം യാത്ര ചെയ്യുന്ന സ്ത്രീകളും കുട്ടികളും ഉള്പ്പടെ ഉള്ളവര്ക്ക് പ്രയാസമുണ്ടാകാറുണ്ട്.ഈ കാരണത്താലാണ് പൊതുജനങ്ങള്ക്കായി റോഡരുകില് ശുചിമുറികള് നിര്മിക്കാന് സര്ക്കാര് തീരുമാനിച്ചത്.