ഒളിമ്പിക് ദീപശിഖ ബ്രസീലിലെത്തി.
റിയോ ഒളിമ്പിക്സിനുള്ള ദീപശിഖാപ്രയാണം ബ്രസീലിലെത്തി. മഹാകായിക മേളയ്ക്ക് ഇനി വെറും 95 ദിവസം മാത്രം ശേഷിക്കെ ആവേശകരമായ സ്വീകരണമാണ് ദീപശിഖാപ്രയാണത്തിന് ബ്രസീല് തലസ്ഥാനത്ത് ലഭിച്ചത്.റിയോ ഒളിംപിക്സിനു മുന്നോടിയായി ബ്രസീലിലെ ത്തിയ ദീപശിഖയിലേക്ക് പ്രസിഡന്റ് ദില്മ റൂസെഫ് അഗ്നി പകര്ന്നു. പ്ലനാല്ട്ടോ പ്രസിഡന്ഷ്യല് പാലസില് നിന്നും റൂസെഫ് കൈമാറിയ ദീപശിഖ പന്ത്രണ്ടായിരത്തോളം പേരുടെ കൈകളിലൂടെ രാജ്യം മുഴുവന് സഞ്ചരിക്കും.
പൊതുജന പങ്കാളിത്തം ഉറപ്പു വരുത്തുക എന്നതാണ് ദീപശിഖാ പ്രയാണത്തിന്റെ ഏറ്റവും വലിയ വെല്ലുവിളി. രാഷ്ട്രീയ പ്രതിസന്ധികൾ നിലനിൽക്കുന്നുണ്ടെങ്കിലും ബ്രസീൽ ഒളിമ്പിക്സിനായി ഒരുങ്ങി എന്നാണ് റിപ്പോർട്ടുകൾ. ആമസോണില് നിന്നും തുടങ്ങി മുന്നൂറോളം നഗരങ്ങളിലൂടെ കടന്ന് പോകുന്ന ദീപശിഖ ആഗസ്ത് അഞ്ചിന് റിയോയിലെ ഒളിംപിക്സ് ഉദ്ഘാടനവേദിയായ മാറക്കാന സ്റ്റേഡിയത്തിലെത്തും