കേരള ഹൗസ് കാന്റീനില് പോലീസ് ബീഫ് പരിശോധന നടത്തിയ സംഭവത്തില് തെറ്റുപറ്റിയെന്നും രാജ്നാഥ് സിംഗ് കേരളത്തെ ഖേദമറിയിക്കുമെന്നും ആഭ്യന്തരമന്ത്രാലയം
29 October 2015
ഡല്ഹിയിലെ കേരള ഹൗസ് കാന്റീനില് പോലീസ് ബീഫ് പരിശോധന നടത്തിയ സംഭവത്തില് ഡല്ഹി പോലീസിനു തെറ്റു പറ്റിയെന്ന് കേന്ദ്ര സര്ക്കാരിന്റെ വിലയിരുത്തല്. ഇക്കാര്യത്തില് കേന്ദ്ര ആഭ്യന്തരമന്ത്രി രാജ്നാഥ് സിംഗ് കേരളത്തെ ഖേദം അറിയിക്കും. ഇക്കാര്യം മുഖ്യമന്ത്രി ഉമ്മന് ചാണ്ടിയുമായി അദ്ദേഹം സംസാരിക്കുമെന്നാണ് ആഭ്യന്തര മന്ത്രാലയ വൃത്തങ്ങള് അറിയിച്ചിരിക്കുന്നത്.
കേരള ഹൗസിലെ ബീഫ് റെയ്ഡില് ശക്തമായ പ്രതിഷേധം അറിയിച്ച് മുഖ്യമന്ത്രി പ്രധാനമന്ത്രി, കേന്ദ്ര ആഭ്യന്തരമന്ത്രി എന്നിവര്ക്ക് കത്തയച്ചിരുന്നു. തുടര്ന്ന് ഡല്ഹി പോലീസിനോട് പ്രധാനമന്ത്രി വിശദീകരണവും തേടിയിരുന്നു. വിഷയത്തില് കേരളത്തിന്റെയും മറ്റും പ്രതിഷേധം ശക്തമായതോടെയാണ് കേന്ദ്രം ഖേദപ്രകടനം നടത്താന് തീരുമാനിക്കുകയായിരുന്നു.