സച്ചിനും രേഖയും എം.പി. ഫണ്ടില്‍ നിന്ന് ഒരു രൂപ പോലും ചിലവിട്ടില്ല
പാര്‍ലമെന്റില്‍ താരപരിവേഷമാത്രമേ ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കര്‍ക്കും ബോളിവുഡ് താരറാണി രേഖയ്ക്കും ഉണ്ടായിരുന്നോ എന്ന് രേഖകൾ . ജനസേവകരെന്ന നിലയില്‍ വട്ടപ്പൂജ്യമായിരുന്നു നാമനിര്‍ദേശം ചെയ്യപ്പെട്ട ഈ രണ്ട് സെലിബ്രിറ്റി അംഗങ്ങളും. എം.പി.മാരുടെ പ്രാദേശിക വികസന ഫണ്ടില്‍ നിന്ന് ഒരൊറ്റ പൈസപോലും ചിലവിട്ടിട്ടില്ല ഇരുവരും . ഇരുവരുടെയും അക്കൗണ്ടില്‍ പത്ത് കോടി രൂപ വീതമാണ് വിനിയോഗിക്കപ്പെടാതെ പാഴായി കിടക്കുന്നത്.
നാമനിര്‍ദേശം ചെയ്യപ്പെടുന്ന അംഗങ്ങള്‍ വികസന പ്രവര്‍ത്തനങ്ങള്‍ നടപ്പിലാക്കാന്‍ തങ്ങള്‍ക്ക് താല്‍പര്യമുള്ള ഒാരോ ജില്ല തിരഞ്ഞെടുക്കണമെന്നാണ് നിബന്ധന. ഇതനുസരിച്ച് സച്ചിന്‍ മുംബൈ സബര്‍ബന്‍ ഏറ്റെടുത്തു. എന്നാല്‍ , ഈ പ്രദേശത്ത് വികസന പ്രവര്‍ത്തനം നടത്താന്‍ ആവശ്യമായ ഒരു പദ്ധതിയും സച്ചിന്‍ ഇതുവരെ ജില്ലാ ഭരണകൂടത്തിന് സമര്‍പ്പിച്ചിട്ടില്ല. രേഖയാവട്ടെ പണം ചിലവിടാന്‍ ഏതെങ്കിലുമൊരു ജില്ല ദത്തെടുക്കാന്‍ പോലും തയ്യാറായില്ല.
