ഫർഹ മേത്തർക്കും കെ.പി. ശ്രുതിക്കും കിരീടം
19 November 2012
ഇംഫാലില് നടന്ന ജൂനിയര് നാഷണല് ബാഡ്മിന്റണ് ചാമ്പ്യന്ഷിപ്പില് അണ്ടര് 17 പെണ്കുട്ടികളുടെ ഡബിള്സില് കേരളത്തിന്റെ ഫര്ഹ മേത്തറും കെ.പി. ശ്രുതിയും കിരീടം ചൂടി. എയര് ഇന്ത്യയുടെ രേഷ്മ കാര്ത്തികിനേയും സഞ്ജന സന്തോഷിനേയും ഇവര് പരാജയപ്പെടുത്തി – 21-19, 21-19.കൊച്ചി റീജണൽ സ്പോർട്സ് സെന്റർ ബാഡ്മിന്റൺ അക്കാഡമിയിൽ യൂണിവേഴ്സിറ്റി കോച്ച് എം.ജെ. മോഹനചന്ദ്രന്റെ കീഴിലാണ് ഇരുവരും പരിശീലനം നടത്തുന്നത്.
ഫര്ഹ മേത്തര് വൈറ്റില ടോക് എച്ച് പബ്ലിക് സ്കൂളിലെ 11-ാംക്ലാസ് വിദ്യാര്ഥിനിയാണ്. എറണാകുളം സേക്രട്ട് ഹാര്ട്ട് സ്കൂളിലെ 11-ാം ക്ലാസ് വിദ്യാര്ഥിനിയാണ് ശ്രുതി.