ഒളിമ്പിക്സ്: വിജേന്ദര് സിംഗിന് ബോക്സിങിന് യോഗ്യത
ഈ വര്ഷം ലണ്ടനില് നടക്കുന്ന ഒളിമ്പിക്സ് ഗെയിംസിന് ഇന്ത്യന് ബോക്സിങ് താരം വിജേന്ദര് സിങ് യോഗ്യത നേടി. കസഖ്സ്താനിലെ അസ്താനയില് നടക്കുന്ന ഏഷ്യന് ഒളിമ്പിക്സിലെ
യോഗ്യതാ റൗണ്ടിന്റെ സെമിഫൈനലിലാണ് ഈ വിജയം നേടിയെടുത്തത്. മൂന്നാം തവണയും ഒളിബിക്സില് യോഗ്യത നേടുന്ന ആദ്യ ഇന്ത്യന് ബോക്സറാണ് വിജേന്ദര്.
2004 ആതന്സ് ഒളിമ്പിക്സില് പ്രാഥമിക ഘട്ടത്തില് പുറത്തായ വിജേന്ദര് 2008 ബെയ്ജിങ് ഒളിമ്പിക്സില് വെങ്കല മെഡല് നേടി. ലോക ചാമ്പ്യന് ഷിപ്പിലും വെങ്കലം സ്വന്തമാക്കിയിട്ടുണ്ട്. ഈ വര്ഷം പുരുഷന്മാരുടെ 75 കി.ഗ്രാം വിഭാഗത്തിലായിരിക്കും വിജേന്ദ്രര് മത്സരിക്കുക.
അസ്താനയില് മംഗോളിയയുടെ ചുലുന്തുമുര് തുമുര്ഖുയാഗിനെ 17-27 ന് ഇടിച്ചിട്ട വിജേന്ദന് ഒളിമ്പിക്സ് യോഗ്യതയ്ക്കൊപ്പം ടൂര്ണമെന്റില് മെഡലും ഉറപ്പാക്കുകയായിരുന്നു. ഈ മത്സരത്തില് നിന്ന് പുറത്തായിരുന്നെങ്കില് വിജേന്ദറിന് ഈ ഒളിമ്പിക്സില് പങ്കെടുക്കാനാകുമായിരുന്നില്ല.
വിജേന്ദറിന് പുറമെ ഇന്ത്യന് ബോക്സര്മാരായ എല്.ദേവേന്ദ്രോസിങ് (49 കി.ഗ്രാം) ജയ് ഭഗ്വാന് (60കി.ഗ്രാം) ,മനോജ് കുമാര് (64 കി.ഗ്രാം) വികാസ് കൃഷ്ണന് (69 കി.ഗ്രാം) എന്നിവര്ക്കും ലണ്ടന് ഒളിമ്പിക്സിന് യോഗ്യത നേടിയിട്ടുണ്ട്.