ക്രിസ്റ്റ്യന് പുരോഹിതന് (പാസ്റ്റര്) നിര്ദേശ പ്രകാരം കാട്ടിനുള്ളില് ഉപവാസം അനുഷ്ടിച്ച നാല് പേര് മരിച്ചതായി റിപ്പോര്ട്ട്
ക്രിസ്റ്റ്യന് പുരോഹിതന് (പാസ്റ്റര്) നിര്ദേശ പ്രകാരം കാട്ടിനുള്ളില് ഉപവാസം അനുഷ്ടിച്ച നാല് പേര് മരിച്ചതായി റിപ്പോര്ട്ട്.
കെനിയയിലെ തീരദേശ കിലിഫി കൗണ്ടിയില് ആണ് സംഭവം. ആരാധനയുടെ ഭാഗമായി യേശുദേവനെ കാണാന് കാട്ടിനുള്ളില് പട്ടിണി കിടക്കാന് പാസ്റ്റര് നിര്ദ്ദേശിച്ചതിന തുടര്ന്ന് ഉപവാസം ഇരുന്നവരാണ് മരിച്ചത്. കൂടാതെ 11-ഓളം പേരെ അവശ നിലയില് ആശുപത്രിയില് പ്രവേശിപ്പിച്ചതായും ന്യൂസ് വീക്കിനെ ഉദ്ധരിച്ച് എന്ഡിടിവി റിപ്പോര്ട്ട് ചെയ്യുന്നു.
മഗരിനി മണ്ഡലത്തിലെ ഷാകഹോല ഗ്രാമ വാസികളായ ഗുഡ് ന്യൂസ് ഇന്റര്നാഷണല് പള്ളിയിലെ 15 വിശ്വാസികള് ദിവസങ്ങളോളം ഭക്ഷണവും വെള്ളവുമില്ലാതെ കാട്ടില് പ്രാര്ത്ഥന നടത്തി വരികയായിരുന്നു. ഇതില് നാല് പേര് മരണത്തിന് കീഴടങ്ങിയെന്നാണ് ന്യൂസ് വീക്ക് റിപ്പോര്ട്ട് പറയുന്നത്. യേശുവിനെ കാണാനായി കാത്തിരക്കുമ്ബോള്, ഉപവസിക്കണമെന്ന് പാസ്റ്റര് പറഞ്ഞതാണെന്നാണ് പൊലീസിനെ ഉദ്ധരിച്ച് റിപ്പോര്ട്ട് പറയുന്നത്. ദിവസങ്ങളോളം ഇത്തരത്തില് താമസിച്ചിരുന്ന വനത്തില് നിന്നാണ് സംഘത്തെ കണ്ടെത്തിയത്.
വനപ്രദേശത്ത് ഇത്തരം പ്രാര്ത്ഥന നടത്തുന്നതായി വിവരം ലഭിച്ചതിനെ തുടര്ന്നാണ് പൊലീസ് പരിശോധന നടത്തിയത്. 15 പേരെ കണ്ടെത്തിയെങ്കിലും ഇതില് 11 പേരെ മാത്രമാണ് ജീവനോടെ ആശുപത്രിയില് എത്തിക്കാന് സാധിച്ചത്. ഗുഡ് ന്യൂസ് ഇന്റര്നാഷണല് ചര്ച്ച് പാസ്റ്റര് മാക്കന്സീ ന്തെംഗേ അഥവാ പോള് മാക്കന്സീയാണ് ഇവരെ ബ്രെയിന് വാഷ് ചെയ്തതെന്നാണ് റിപ്പോര്ട്ട്. കൂടുതല് വേഗത്തില് സ്വര്ഗത്തില് പ്രവേശിക്കാനും യേശുവിനെ കാണാനും വേണ്ടി പട്ടിണി കിടക്കാന് അദ്ദേഹം തന്റെ അനുയായികളെ ഉപദേശിക്കുകയായിരുന്നു.
നേരത്തെ സമാനമായ മറ്റൊരു സംഭവത്തില് രണ്ട് കുട്ടികളുടെ മരണവുമായി ബന്ധപ്പെട്ട് പാസ്റ്റര് പോള് മാക്കന്സീ ജാമ്യത്തിലാണ്. മരണം ആ കുട്ടികള നായകരാക്കും എന്നായിരുന്നു അന്ന് പാസ്റ്റര് മാതാപിതാക്കളോട് പറഞ്ഞത്. ഈ കുട്ടികളെയും ഇതേ കാട്ടില് അടക്കം ചെയ്തെന്നാണ് പൊലീസ് വിവരം. സമുദായ പുരോഹിതരെ ഉള്പ്പെടെ അടക്കം ചെയ്ത കൂട്ട ശവക്കുഴി ഉണ്ടെന്നും, അത് കാട്ടുവാസികളുടെ സഹായത്തിലാണെന്നും സംശയിക്കുന്നതിനാല് പൊലീസിന് ഈ കേസില് കാര്യമായൊന്നും ചെയ്യാന് സാധിച്ചിട്ടില്ലെന്നും റിപ്പോര്ട്ട് പറയുന്നു.