ബ്രിട്ടീഷ് പ്രധാനമന്ത്രി ബോറിസ് ജോണ്സണ് ഇന്ത്യയിൽ
ബ്രിട്ടീഷ് പ്രധാനമന്ത്രി ബോറിസ് ജോണ്സണ് ഇന്ന് ഇന്ത്യയിലെത്തി. രണ്ടുദിവസം നീണ്ടുനിൽക്കുന്ന സന്ദര്ശനത്തിനാണ് ബോറിസ് എത്തിന്നത്. അഹമ്മദാബാദിലെത്തിയ ബ്രിട്ടീഷ് പ്രധാനമന്ത്രിക്ക് വന് വരവേല്പ്പാണ് നൽകിയത്. ഇന്നു രാവിലെ 10 മണിയോടെ അദ്ദേഹം സബര്മതി ആശ്രമത്തിലെത്തും.
ഇതിന്റെ പിന്നാലെ വ്യവസായികളുമായി അദ്ദേഹം കൂടിക്കാഴ്ചയും നടത്തും. ബ്രിട്ടണിലെ എഡിന്ബര്ഗ് സര്വകലാശാലയുടെ സഹകരണത്തോടെ നിര്മ്മിക്കുന്ന ഗുജറാത്ത് ബയോടെക്നോളജി സര്വകലാശാലയും വൈകീട്ട് അക്ഷര്ധാം ക്ഷേത്രവും ബോറിസ് ജോണ്സണ് സന്ദര്ശിക്കും. രാജ്യ തലസ്ഥാനമായ ഡല്ഹിയില് പ്രധാനമന്ത്രി നരേന്ദ്രമോദിയുമായി ബ്രിട്ടീഷ് പ്രധാനമന്ത്രി കൂടിക്കാഴ്ച നടത്തും. വിവിധ കരാറുകളിലും ഇരു രാജ്യങ്ങളും ഒപ്പുവെച്ചേക്കും. ബോറിസ് ജോണ്സണ് ആദ്യമായാണ് ഇന്ത്യ സന്ദര്ശിക്കുന്നത്. ഇന്ത്യയുമായുള്ള ബന്ധം കൂടുതല് ശക്തമാക്കാനാണ് സന്ദര്ശനം കൊണ്ട് ലക്ഷ്യമിടുന്നതെന്ന് ബോറിസ് അഭിപ്രായപ്പെട്ടിരുന്നു.