കേരളത്തില് മൂന്ന് പേർക്ക് കൂടി സിക്ക വൈറസ്
കേരളത്തില് ഇന്ന് മൂന്ന് പേര്ക്ക് കൂടി സിക്ക വൈറസ് ബാധ സ്ഥിരീകരിച്ചതായി സംസ്ഥാന ആരോഗ്യ വകുപ്പ് അറിയിച്ചു. കഴിഞ്ഞ ദിവസങ്ങളില് സിക്ക വൈറസ് സ്ഥിരീകരിച്ച തലസ്ഥാനത്തെ സ്വകാര്യ ആശുപത്രിയില് നിന്നും കോയമ്പത്തൂര് ലാബില് അയച്ച സാമ്പിളിലാണ് സിക്ക വൈറസ് സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് രണ്ടുപേര് ആശുപത്രിയില് ചികിത്സ തേടിയ രോഗികളും ഒരാള് ആശുപത്രി ജിവനക്കാരിയുമാണ്..ഇവരില് ഒരാൾ 46 വയസുള്ള പുരുഷനാണ്. 22 മാസം പ്രായമുള്ള കുഞ്ഞിനും 29 വയസുള്ള ആശുപത്രി ജീവനക്കാരിയുമാണ് സിക്ക വൈറസ് സ്ഥിരീകരിച്ച മറ്റ് രണ്ട് പേർ.
ഇതോടുകൂടി സംസ്ഥാനത്ത് സിക്ക വൈറസ് ബാധിച്ചവരുടെ എണ്ണം 18 ആയി ഉയര്ന്നു. എന്നാല് സംസ്ഥാനം രണ്ടാം ഘട്ടമായി അയച്ച 27 സാമ്പിളുകളില് 26 എണ്ണം നെഗറ്റീവായി. മൂന്നാം ഘട്ടമായി എട്ട് സാമ്പിളുകളാണ് അയച്ചത്. അതിലാണ് മൂന്ന് എണ്ണം പോസിറ്റീവാണെന്ന് സ്ഥിരീകരിച്ചത്.