കമ്യൂണിസം കാൻസര്; നരേന്ദ്ര മോദിയെ ഓര്ത്തെങ്കിലും ബിജെപിക്ക് വോട്ട് ചെയ്യൂ: കൃഷ്ണകുമാര്
ഇത്തവണ സംസ്ഥാന നിയമസഭാ തെരഞ്ഞെടുപ്പില് പ്രധാനമന്ത്രി നരേന്ദ്ര മോദിയെ ഓർത്തെങ്കിലും കേരളത്തിലെ ജനങ്ങൾ ബിജെപിക്ക് വോട്ടു ചെയ്യണമെന്ന് തിരുവനന്തപുരം മണ്ഡലത്തിലെ ബിജെപി സ്ഥാനാർത്ഥിയും നടനുമായ കൃഷ്ണകുമാർ.
കേരളത്തിൽ ജീവിക്കുന്ന ജനങ്ങളെ കുറിച്ച് വളരെ വിഷമത്തോടെയാണ് ബിജെപി ഭരിക്കുന്ന മറ്റു സംസ്ഥാനത്തെ ആളുകൾ ചോദിക്കുന്നത്. കേരളത്തിലെ കാട്ടാള ഭരണകൂടത്തെ താഴെ ഇറക്കണം. കോൺഗ്രസും ഇവരുടെ ഒപ്പമാണെന്നും അദ്ദേഹം ആരോപിച്ചു.
നമ്മുടെ രാജ്യത്തിന്റെ എല്ലാ പ്രശ്നങ്ങളും മനസിലാക്കുന്നയാളാണ് നരേന്ദ്ര മോദി. ഇതേവരെയായി മുന്നൂറ്റമ്പതോളം പദ്ധതികൾ രാജ്യത്ത് അദ്ദേഹം കൊണ്ടുവന്നു. കമ്യൂണിസം എന്നത് കാൻസറാണ്. അതിനാല് അതിനെ ഇവിടെ നിന്നും എടുത്തുകളയേണ്ട സമയമായിരിക്കുന്നുവെന്നും കൃഷ്ണകുമാർ കൂട്ടിച്ചേര്ത്തു.