സിനിമ വ്യവസായത്തിന് മാതൃകയായി മോഹൻലാൽ; പ്രതിഫലം വെട്ടിക്കുറച്ച് താരം
ദൃശ്യം 2ൽ മോഹൻലാൽ പകുതി ശമ്പളം മാത്രമാണ് വാങ്ങുന്നതെന്ന് പ്രൊഡ്യൂസേഴ്സ് അസോസിയേഷൻ. കോവിഡിന്റെ പശ്ചാത്തലത്തിൽ നിശ്ചലമായ സിനിമ മേഖലയെ മുന്നോട്ട് എത്തിക്കാൻ താരങ്ങൾ പ്രതിഫലം കുറയ്ക്കാൻ തയാറാകണമെന്ന് നിർമാതാക്കളുടെ സംഘടന നേരത്തെ ആവശ്യപ്പെട്ടിരുന്നു. ഈ സാഹചര്യത്തിലാണ് സിനിമ വ്യവസായത്തിന് മാതൃകയായി മോഹൻലാലിന്റെ തീരുമാനം. ആന്റണി പെരുമ്പാവൂർ എന്ന നിർമാതാവിന്റെ നിർണായക നീക്കങ്ങളിലൊന്നാണു ദൃശ്യം 2 ഷൂട്ട് ചെയ്യാനുള്ള തീരുമാനമെന്ന് മോഹൻലാൽ പറഞ്ഞു.
അതേസമയം താരങ്ങൾ പ്രതിഫലം കുറയ്ക്കാത്തതിനെ തുടർന്ന് രണ്ടു ചിത്രങ്ങൾക്ക് പ്രൊഡ്യൂസേഴ്സ് അസോസിയേഷൻ അനുമതി നിഷേധിച്ചു എന്ന വാർത്തയും പുറത്ത് വന്നിരുന്നു. ടൊവിനോ തോമസ്, ജോജു ജോർജ് എന്നിവർ കേന്ദ്ര കഥാപാത്രങ്ങളാകുന്ന ചിത്രങ്ങൾക്കാണ് അംഗീകാരം നൽകാതിരുന്നത്. ഇരുവരും കൂടുതൽ പ്രതിഫലം ആവശ്യപ്പെട്ട സാഹചര്യത്തിലാണ് നിർമാതാക്കളുടെ തീരുമാനം. പുതിയ പ്രൊജക്ടുകളിൽ താരങ്ങളുടെ പ്രതിഫലം പരിശോധിക്കാൻ പ്രൊഡ്യൂസേഴ്സ് അസോസിയേഷൻ പ്രത്യേക സമിതിയെയും നിയോഗിച്ചിട്ടുണ്ട്.