പ്രണബ് മുഖർജിയുടെ ആരോഗ്യ സ്ഥിതി അതീവ ഗുരുതരമായി തുടരുന്നു
മുൻ രാഷ്ട്രപതി പ്രണാബ് മുഖർജിയുടെ (84) ആരോഗ്യനില അതീവ ഗുരുതരമായി തുടരുന്നതായി റിപ്പോർട്ടുകൾ.. ഡൽഹിയിലെ സൈനിക റിസർച്ച് ആൻഡ് റഫറൽ ആശുപത്രിയിലെ തീവ്രപരിചരണ വിഭാഗത്തിലാണ് അദ്ദേഹം. പ്രണാബിന്റെ ആരോഗ്യനിലയിൽ മാറ്റമില്ലെന്നും വെന്റിലേറ്ററിൽ തന്നെ തുടരുകയാണെന്നും സൈനിക ആശുപത്രി വ്യാഴാഴ്ച രാവിലെ മെഡിക്കൽ ബുള്ളറ്റിനിൽ വ്യക്തമാക്കിയിരുന്നു.
വെന്റിലേറ്റർ സഹായത്തോടെയാണ് മുൻ രാഷ്ട്രപതി ആശുപത്രിയിൽ തുടരുന്നത്. പ്രണാബിന്റെ രക്തചംക്രമണം അടക്കമുള്ളവയിൽ സ്ഥിരതയുണ്ടെന്നു ഡോക്ടർമാർ ഇന്നലെ അറിയിച്ചിരുന്നു. പ്രണാബിന്റെ ധമനികളിലെയും ഹൃദയത്തിലെയും രക്തയോട്ടം അടക്കമുള്ള കാര്യങ്ങളിൽ യന്ത്രസഹായത്താൽ സ്ഥിരതയുണ്ടെന്നു സൈനിക ആശുപത്രി ബുധനാഴ്ച പ്രസ്താവനയിൽ വ്യക്തമാക്കിയിരുന്നു.