സംസ്ഥാനത്ത് കെഎസ്ആർടിസി ദീർഘദൂര സർവീസ് പുനഃരാരംഭിക്കുന്നു
30 July 2020
സംസ്ഥാനത്ത് കെ.എസ്.ആർ.ടി.സി ദീർഘദൂര സർവീസുകൾ പുനഃരാരംഭിക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. കേന്ദ്ര സര്‍ക്കാര്‍ നല്‍കിയ മൂന്നാംഘട്ട ലോക്ഡൗൺ ഇളവുകളുടെ ഭാഗമായാണ് കേരളത്തില്‍ കെ.എസ്.ആർ.ടി.സി ദീർഘദൂര സർവീസ് വീണ്ടും തുടങ്ങുന്നത്.
പൂര്‍ണ്ണമായും കോവിഡ് മാനദണ്ഡങ്ങൾ പാലിച്ചാവും സർവീസ് നടത്തുക. നിയന്ത്രണങ്ങളുടെ ഭാഗമായി ഒരു ജില്ലയിൽ നിന്ന് തൊട്ടടുത്ത ജില്ലയിലേക്ക് മാത്രമാണ് ഇതുവരെ കെ.എസ്.ആർ.ടി.സിയുടെ സർവീസുണ്ടായിരുന്നത്.അതേപോലെ തന്നെ ഇളവുകളുടെ ഭാഗമായി സംസ്ഥാനത്തും ജിമ്മുകൾ തുറക്കുമെന്ന് മുഖ്യമന്ത്രി അറിയിച്ചു. ആഗസ്റ്റ് മാസം അഞ്ച് മുതലാവും ജിമ്മുകൾ തുറക്കുക. എന്നാല്‍ ലോക്ഡൗൺ തീരും വരെ സമരങ്ങൾക്കും പ്രകടനങ്ങൾക്കും അനുമതിയുണ്ടാവില്ലെന്നും മുഖ്യമന്ത്രി അറിയിച്ചു.
