ആന്ധ്രാപ്രദേശില് ടിഡിപി നേതാക്കളെ വീട്ടുതടങ്കലിലാക്കി ജഗന് മോഹന് റെഡ്ഡി
27 December 2019
ആന്ധ്രാപ്രദേശില് ടിഡിപി നേതാക്കളെ വീട്ടുതടങ്കലിലാക്കി മുഖ്യമന്ത്രി ജഗന് മോഹന് റെഡ്ഡിയുടെ നടപടി.
ടിഡിപി എംപി കേശിനേനി ശ്രീനിവാസ്, ടിഡിപി എംഎല്എ ബുദ്ധ വെങ്കണ്ണ എന്നിവരെയാണ് തടങ്കലില് പാര്പ്പിച്ചിരിക്കുന്നത്.
ജഗന് മോഹന് നിര്ദേശിച്ച മൂന്നു തലസ്ഥാന ഫോര്മുലയ്ക്ക് അംഗീകാരം നേടുന്നതിന്റെ പശ്ചാത്തലത്തിലാണ് നടപടിയെന്നാണ് റിപ്പോര്ട്ടുകള്.
അമരാവതിയും, വിശാഖപട്ടണവും, കര്ണൂലും തലസ്ഥാനമാക്കുക യെന്നതാണ് ലക്ഷ്യം. പദ്ധതി അംഗീകരിക്കുന്നതിനായി അടുത്ത ദിവസം മുഖ്യമന്ത്രിയുടെ അധ്യക്ഷതയിലാണ് ഉന്നതതല യോഗം ചേരുന്നത്. അതേസമയം വിജയവാഡയില് നടക്കുന്ന കര്ഷക പ്രക്ഷോഭത്തില് പങ്കെടുക്കുന്നതില്നിന്നു തടയാനാണ് നേതാക്കളെ തടങ്കലിലാക്കിയതെന്നും സൂചനയുണ്ട്.