കുവൈത്തിലേക്ക് പോകുന്ന പ്രവാസികള്ക്ക് ആരോഗ്യ പരിശോധന കര്ശനമാക്കുന്നു
29 May 2019
കുവൈത്തിലേക്ക് വരുന്ന വിദേശികളുടെ ആരോഗ്യ പരിശോധന കര്ശനമാക്കുന്നു. നിരവധി പേര്ക്ക് സാംക്രമിക രോഗങ്ങള് കണ്ടെത്തിയ സാഹചര്യത്തിലാണ് തീരുമാനം. കുവൈത്തിലേക്ക് വരുന്നതിനു മുന്നോടിയായി നാട്ടില് നടത്തുന്ന ആരോഗ്യ ക്ഷമത പരിശോധന കര്ശനമാക്കാനാണ് ആരോഗ്യമന്ത്രാലയം തീരുമാനിച്ചത്.
വൈദ്യ പരിശോധനാ ഫലം കൃത്യമായി പരിശോധിച്ചതിനു ശേഷമേ വിസാ സ്റ്റാമ്പിംഗ് അനുവദിക്കാന് പാടുള്ളുവെന്ന് അതാത് രാജ്യങ്ങളിലെ കുവൈത്ത് എംബസിക്ക് നിര്ദ്ദേശം നല്കിയതായി ആരോഗ്യ മന്ത്രി ബാസില് അല് സബാഹ് അറിയിച്ചു. വൈദ്യ പരിശോധനയില് വീഴ്ച വരുത്തുന്ന സ്ഥാപനങ്ങള്ക്കെതിരെ ഓരോ കേസിനും 500 ദിനാര് വീതം പിഴ ചുമത്തുമെന്നും മന്ത്രി വ്യക്തമാക്കി.