കള്ളവോട്ട്; മുസ്ലിം ലീഗ് പ്രവർത്തകരെ ഇന്ന് അറസ്റ്റു ചെയ്യും
കാസർഗോട്ട് കള്ളവോട്ട് ആരോപണം നേരിടുന്ന മുസ്ലിം ലീഗ് പ്രവർത്തകരെ ഇന്ന് അറസ്റ്റു ചെയ്തേക്കുമെന്നു സൂചന. കള്ളവോട്ട് ചെയ്തതായി മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ സ്ഥിരീകരിച്ചതോടെ വരണാധികാരിയായ കളക്ടറുടെ പരാതിയിൽ പോലീസ് കേസെടുക്കും.
അതേസമയം ലീഗ് പ്രവര്ത്തകര് നിയമലംഘനം നടത്തിയിട്ടുണ്ടെന്ന് നിയമപരമായി തെളിഞ്ഞാല് കർശന നടപടിയെടുക്കുമെന്ന് നേതൃത്വം വ്യക്തമാക്കിയിട്ടുണ്ട്.
മുഹമ്മദ് ഫയാസ്, കെ.എം. മുഹമ്മദ്, അബ്ദുൾ സമദ് എന്നിവരാണു കള്ളവോട്ട് ചെയ്തത്. കല്യാശേരിയിൽ പുതിയങ്ങാടി ജമാഅത്ത് സ്കൂളിലെ 69, 70 ബൂത്തുകളിലാണ് കള്ളവോട്ട് നടന്നത്. മുഹമ്മദ് ഫായിസ് രണ്ടു ബൂത്തുകളിലാണ് വോട്ട് ചെയ്തത്.