രാഹുൽ ഇല്ലെങ്കിൽ സിദ്ദീഖ് ആകണമെന്നില്ല; ലിസ്റ്റിൽ വേറെ പേരുകളുമുണ്ട്: മലപ്പുറം ഡിസിസി
രാഹുല് ഗാന്ധി മത്സരിക്കാനെത്തിയില്ലെങ്കില് ടി. സിദ്ദിഖ് തന്നെ സ്ഥാനാർഥിയാകുമെന്ന് ഉറപ്പില്ലെന്ന് മലപ്പുറം ഡിസിസി പ്രസിഡന്റ് വി.വി പ്രകാശ്. രാഹുല് ഗാന്ധി വന്നില്ലെങ്കില് ഇപ്പോള് പരിഗണനയിലുള്ള മൂന്ന് പേരോ അതല്ലാതെ മറ്റാരെങ്കിലുമോ ആകാം വയനാട്ടിലെ കോണ്ഗ്രസ് സ്ഥാനാർഥിയെന്നും അദ്ദേഹം പറഞ്ഞു.
ആര് സ്ഥാനാർഥിയാകണമെന്ന് എഐസിസി തീരുമാനിക്കും. ഇതുവരെ ഹൈക്കമാന്ഡ് വയനാട്ടിലെ സ്ഥാനാർഥിയെ പ്രഖ്യാപിച്ചിട്ടില്ല. സ്ഥാനാർഥിത്വം സംബന്ധിച്ച് ഹൈക്കമാന്ഡിന് മുന്നില് ഒരു അവ്യക്തതയുമില്ല.
രാഹുല് എത്തിയില്ലെങ്കിൽ അണികളില് പ്രയാസവും നിരാശയും ഉണ്ടാകും. അണികള് വൈകാരികമായി തളരും. കാരണം കോണ്ഗ്രസിന്റേത് പരസ്പരം വൈകാരിക അടുപ്പമുള്ള പ്രവര്ത്തകരാണെന്നും പ്രകാശ് പറഞ്ഞു.