ഇന്ന് കളിയില്ല; ആദ്യ സെമി നാളെ
29 March 2016
ഗ്രൂപ്പ് മത്സരങ്ങള്‍ ഇന്നലെ സമാപിച്ചതോടെ ട്വന്റി 20 ലോകകപ്പ്‌ ഇനി സെമിഫൈനല്‍ പോരാട്ടത്തിലേക്ക്‌. ഇന്നത്തെ വിശ്രമദിനത്തിനു ശേഷം നാളെ ന്യൂഡല്‍ഹി ഫിറോസ്‌ ഷാ കോട്‌ലയില്‍ നാളെ ആദ്യ സെമിഫൈനല്‍ അരങ്ങേറും. ന്യൂസിലന്‍ഡും ഇംഗ്ലണ്ടുമാണ്‌ ആദ്യ സെമിയില്‍ ഏറ്റുമുട്ടുന്നത്‌.ഗ്രൂപ്പ് രണ്ടില്‍ നിന്ന് 8 പോയിന്റ് നേടി അപരാജിതരായാണ് ന്യൂസിലാന്‍ഡ് അവസാന നാലില്‍ ഇടംപിടിച്ചത്.
നാളെ രാത്രി 7.30 മുതലാണ്‌ മത്സരം. സ്‌റ്റാര്‍ സ്‌പോര്‍ട്‌സ് ഒന്ന്‌, മൂന്നു എന്നിവയില്‍ തത്സമയം. 31-ന്‌ നടക്കുന്ന രണ്ടാം സെമിയില്‍ വെസ്‌റ്റിന്‍ഡീസാണ്‌ ഇന്ത്യയുടെ എതിരാളികള്‍. മുംബൈ വാംഖഡെ സ്‌റ്റേഡിയത്തില്‍ രാത്രി 7.30-നാണ്‌ മത്സരം.
