ബില്ലുകള് ഒപ്പിടില്ലെന്ന ഗവര്ണറുടെ നിലപാടിനെ സ്വാഗതം ചെയ്യുന്നു; വി ഡി സതീശൻ
![single-img](https://www.evartha.in/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2022/09/n42408386016635817860000546798ae8c276fd0ae2e92ab0f85ac6ceede8329f0996be5d04bc234cf3aad8.jpg)
തിരുവനന്തപുരം: രണ്ട് ബില്ലുകള് ഒപ്പിടില്ലെന്ന ഗവര്ണറുടെ നിലപാടിനെ സ്വാഗതം ചെയ്യുന്നുവെന്ന് പ്രതിപക്ഷനേതാവ് വി ഡി സതീശന്.
ഇഷ്ടക്കാരനായ വൈസ് ചാന്സലറെ നിയമിക്കാന് ഗവര്ണറെ സമീപിച്ചത് കേരള ചരിത്രത്തില് ഉണ്ടാകാത്ത സംഭവമാണെന്ന് സതീശന് പറഞ്ഞു. ലോകായുക്ത ബില്ല് നിയമവിരുദ്ധമാണെന്നും ഒപ്പിടരുതെന്നും പ്രതിപക്ഷം നേരത്തെ ആവശ്യപ്പെട്ടതാമെന്നും എന്നാല് ഓര്ഡിനന്സില് അദ്ദേഹം ഒപ്പിട്ടുവെന്നും സതീശന് പറഞ്ഞു. കണ്ണൂര് സര്വകലാശാലയില് മുഖ്യമന്ത്രിയുടെ ഇഷ്ടക്കാരനെ നിയമിക്കാന് തെറ്റാണെന്നറിഞ്ഞിട്ടും ഗവര്ണര് കൂട്ടുനിന്നെന്നും സതീശന് പറഞ്ഞു.
രണ്ട് കൂട്ടരും നടത്തുന്നത് നാടകമാണ്. കണ്ണൂര് സര്വകലാശാല വിഷയം ഉയര്ത്തി കൊണ്ടുവന്നത് പ്രതിപക്ഷമാണ്. മുഖ്യമന്ത്രി ഗവര്ണറുടെ അടുത്തെത്തി ശുപാര്ശ ചെയ്യുന്നത് ചരിത്രത്തില് ആദ്യം. രണ്ട് കൂട്ടരും ഒരുമിച്ച് ചെയ്തതാണ് ഇതെല്ലാം. 2019 ല് നടന്ന കാര്യം ഇപ്പോള് ഗവര്ണര് പറയുന്നത് എന്താണെന്നറിയില്ല. അതിന് മറുപടി പറയേണ്ടത് ആഭ്യന്തര വകുപ്പാണ്. ലോകായുക്ത ബില്ലും, സര്വകലാ ശാലാ ബില്ലും ഒപ്പ് വെക്കില്ലെന്ന ഗവര്ണറുടെ തീരുമാനത്തെ സ്വാഗതം ചെയ്യുന്നുവെന്നും സതീശന് പറഞ്ഞു.