തരുന്ന റോളുകള് ബെസ്റ്റ് ആക്കി കയ്യില് കൊടുക്കുന്നതാണ് രീതി; പാര്ട്ടി സീറ്റ് നല്കിയാല് അപ്പോള് നോക്കാം: മുകേഷ്
9 January 2026
ഇത്തവണ സംസ്ഥാന നിയമസഭാ തെരഞ്ഞെടുപ്പിൽ പാര്ട്ടി സീറ്റ് നല്കിയാല് അപ്പോള് നോക്കാമെന്ന് എം മുകേഷ് എംഎല്എ. ഒരിക്കലും മത്സരിക്കണമെന്ന് ആഗ്രഹം പ്രകടിപ്പിച്ചിട്ടില്ല. പ്രകടിപ്പിക്കുകയും ഇല്ല. ബാക്കി എല്ലാം പാര്ട്ടി പറയട്ടെ. പാര്ട്ടിയുടെ തീരുമാനത്തില് എതിര്പ്പ് പ്രകടിപ്പിക്കില്ലെന്നും എം മുകേഷ് പറഞ്ഞു.
ഇതുവരെ തന്ന റോള് ഗംഭീരമാക്കിയിട്ടുണ്ട്. ആ ആത്മവിശ്വാസം തനിക്കുണ്ടെന്നും സ്ഥാനാര്ത്ഥിത്വം സംബന്ധിച്ച ചോദ്യത്തോട് മുകേഷ് പറഞ്ഞു.ജനസേവനം നടത്താന് എംഎല്എ ആകണമെന്ന് നിര്ബന്ധമില്ലെന്ന് എല്ലാം തീരുമാനിക്കേണ്ടത് പാര്ട്ടിയാണ്. പൊതു പ്രവര്ത്തനം തുടരും. തരുന്ന റോളുകള് ബെസ്റ്റ് ആക്കി കയ്യില് കൊടുക്കുന്നതാണ് രീതി എന്നും മുകേഷ് പറഞ്ഞു.
