മുഖ്യമന്ത്രിക്കെതിരായ വധശ്രമ കേസ്; ശബരീനാഥന് ജാമ്യം
വിമാന യാത്രയിൽ നടന്ന മുഖ്യമന്ത്രിക്കെതിരായ വധശ്രമക്കേസില് അറസ്റ്റിലായ യൂത്ത് കോണ്ഗ്രസ് സംസ്ഥാന ഉപാധ്യക്ഷന് കെ എസ് ശബരീനാഥന് തിരുവനന്തപുരം പ്രിന്സിപ്പല് സെഷന്സ് കോടതി ജാമ്യം അനുവദിച്ചു .
വിചാരണ നടക്കുമ്പോൾ കോടതിക്ക് പുറത്ത് യൂത്ത് കോണ്ഗ്രസ് ശബരിനാഥന് പിന്തുണയുമായി എത്തിയിരുന്നു. കേസില് ശബരിനാഥനെ നാലാം പ്രതിയായിരുന്നു ശബരീനാഥന്. നേരത്തെ കേസിലെ ഒന്നും രണ്ടും പ്രതികള്ക്ക് ജാമ്യം അനുവദിക്കുകയും മൂന്നാം പ്രതിക്ക് മുന്കൂര് ജാമ്യവും അനുവദിക്കുകയും ചെയ്തതിനാൽ വകുപ്പുകള് നിലനില്ക്കില്ലെന്ന് നേരത്തെ തെളിഞ്ഞതാണെന്ന് ശബരിനാഥന്റെ അഭിഭാഷകന് വാദിച്ചു.
മുഖ്യമന്ത്രിക്കെതിരായ ആക്രമണത്തിന് ശബരീനാഥൻ നിര്ദ്ദേശം നല്കിയെന്ന വാട്സ്ആപ്പ് ഗ്രൂപ്പുള്ള മൊബൈല് ഫോണ് പരിശോധിക്കണമെന്ന് പ്രോസിക്യൂഷന് ആവശ്യപ്പെട്ടിരുന്നു. ഇന്ത്യൻ ശിക്ഷാ നിയമം 307, 332, 120ബി, 34 സി വകുപ്പുകള് ചേര്ത്തായിരുന്നു കേസെടുത്തത്.