‘ഒറ്റക്കൊമ്പനി’ല്‍ സുരേഷ്‌ഗോപിയുടെ നായിക; അനുഷ്‌ക ഷെട്ടി ആദ്യമായി മലയാള സിനിമയിൽ
15 July 2022
പാലാക്കാരന്‍ അച്ചായനായി സുരേഷ്‌ഗോപി എത്തുന്ന ഒറ്റക്കൊമ്പനിൽ നായികയായി എത്തുന്നത് പ്രശസ്ത തെന്നിന്ത്യന്‍ താരം അനുഷ്‌ക ഷെട്ടിഎന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു അങ്ങിനെ സംഭവിച്ചാൽ അനുഷ്‌കയുടെ ആദ്യ മലയാള സിനിമയായിരിക്കും ഇത്.
വളരെയധികം വിവാദങ്ങള്‍ക്കൊടുവിലാണ് ഈ സിനിമയ്ക്ക് ഇപ്പോൾ ‘ഒറ്റക്കൊമ്പന്‍’ എന്ന പേരിട്ടിരിക്കുന്നത്. മാത്യൂ തോമസ് പാലമൂട്ടില്‍ സംവിധാനം ചെയ്യുന്ന ചിത്രം ഒരു മാസ് എന്റര്‍ടെയ്‌നറാണ്. ചിത്രത്തില്‍ മുകേഷ്, ജോജു ജോര്‍ജ് എന്നിവരും പ്രധാന വേഷം ചെയ്യുന്നുണ്ട്. സുരേഷ് ഗോപി അഭിനയിക്കുന്ന 250-ാം സിനിമയാണ് ഒറ്റക്കൊമ്പന്‍. ഇടുക്കി, വയനാട്, തൊടുപുഴ എന്നിവിടങ്ങളാണ് സിനിമയുടെ പ്രധാന ലൊക്കേഷനുകള്‍.
