മദ്യപാന ചലഞ്ച്; രണ്ട് മിനിറ്റിനുള്ളിൽ ഒരു കുപ്പി ജാഗർമിസ്റ്റർ മുഴുവനായും കുടിച്ചയാൾ മരിച്ചു

മദ്യപാന ചലഞ്ചിന്റെ ഭാഗമായി രണ്ട് മിനിറ്റിനുള്ളിൽ ഒരു കുപ്പി ജാഗർമിസ്റ്റർ കുടിച്ച ദക്ഷിണാഫ്രിക്കക്കാരൻ ചൊവ്വാഴ്ച മരിച്ചുവെന്ന് പോലീസ് പറഞ്ഞു. ആരെന്നതിന്റെ ഐഡന്റിറ്റി പുറത്തുവിട്ടിട്ടില്ലാത്ത ഇയാൾ, മഷാംബ ഗ്രാമത്തിലെ ഒരു മദ്യവിൽപ്പനശാലയിലെ മറ്റ് ഉപഭോക്താക്കൾക്കെതിരെ ഏകദേശം 12 ഡോളർ നേടുന്നതിനായി ഒരുകുപ്പി മദ്യം മുഴുവനായി കഴിക്കാൻ മത്സരിക്കുകയായിരുന്നുവെന്ന് ദക്ഷിണാഫ്രിക്കൻ വാർത്താ ഏജൻസി സോവേതൻ ലൈവ് റിപ്പോർട്ട് ചെയ്യുന്നു.

“മത്സരിച്ചവരിൽ ഒരാൾ ഉടൻ തന്നെ കുഴഞ്ഞുവീഴുകയും പ്രാദേശിക ക്ലിനിക്കിലേക്ക് കൊണ്ടുപോകുകയും അവിടെ അദ്ദേഹം മരിച്ചതായി സാക്ഷ്യപ്പെടുത്തുകയും ചെയ്തു,” വാട്ടർവാൾ പോലീസ് വക്താവ് ബ്രിഗ് മോട്ട്‌ലഫെല മൊജാപെലോ മാധ്യമപ്രവർത്തകരോട് പറഞ്ഞു.

ഈ മദ്യപാന മത്സരത്തിൽ മനുഷ്യൻ കുപ്പി കമിഴ്ത്തുന്ന ദൃശ്യങ്ങൾ ട്വിറ്ററിൽ പോസ്റ്റ് ചെയ്തു, ബുധനാഴ്ച രാവിലെ വരെ അത് ഏകദേശം 9,000 വ്യൂസ് നേടി. ഈ വീഡിയോ ക്ലിപ്പിൽ, മദ്യം കുടിച്ചുതീർക്കാനായി അയാളെ പ്രോത്സാഹിപ്പിക്കുന്ന ആളുകൾ ചുറ്റും തിങ്ങിനിറഞ്ഞിരുന്നു.

(നിയമപ്രകാരമുള്ള മുന്നറിയിപ്പ്: മദ്യപാനം ആരോഗ്യത്തിന് ഹാനികരം )