ജാതകം ചേരാത്തതിനെ തുടര്ന്ന് വിവാഹം മുടങ്ങിയതോടെ യുവതി ആത്മഹത്യ ചെയ്തു
12 July 2022
കാസര്കോട്: ജാതകം ചേരാത്തതിനെ തുടര്ന്ന് വിവാഹം മുടങ്ങിയതോടെ യുവതി വിഷം കഴിച്ച് ആത്മഹത്യ ചെയ്തു. കാസര്കോട് ചെമ്മനാട് സ്വദേശിനി മല്ലികയാണ് (22) മരിച്ചത്.
ജൂലൈ ഒന്നിന് വിഷം കഴിച്ച് ആത്മഹത്യക്ക് ശ്രമിച്ച യുവതി മംഗളൂരുവിലെ സ്വകാര്യ ആശുപത്രിയില് ചികിത്സയിലായിരുന്നു.
ഇന്ന് രാവിലെയാണ് മരിച്ചത്. യുവതി പ്രണയത്തിലായിരുന്ന കുമ്ബള സ്വദേശിയുമായുള്ള വിവാഹം വീട്ടുകാര് ആദ്യം സമ്മതിച്ചിരുന്നില്ലെങ്കിലും പിന്നീട് ഇരുവരുടെയും വിവാഹം നടത്താന് തീരുമാനിക്കുകയായിരുന്നു. എന്നാല് ജാതകം ചേരില്ലെന്ന ജോത്സ്യന്റെ പ്രവചനത്തോടെ വിവാഹം മുടങ്ങി.