വിചാരണ ആരംഭിക്കാനിരിക്കേ പോക്സോ കേസ് ഇരയെ തട്ടിക്കൊണ്ടു പോയി; കുട്ടിയെ കണ്ടെത്താനാകാതെ പൊലീസ്
വിചാരണ ആരംഭിക്കാനിരിക്കേ പാലക്കാട് പീഡനത്തിനിരയായ പതിനൊന്നു വയസ്സുകാരിയെ തട്ടിക്കൊണ്ടു പോയി. കുട്ടിയെ പീഡിപ്പിച്ച പ്രതിയായ ചെറിയച്ഛനും അടുത്ത ബന്ധുക്കളും ചേര്ന്ന് തട്ടിക്കൊണ്ടു പോയെന്നാണ് പരാതി. ഈ മാസം 16 ന് കേസിന്റെ വിചാരണ ആരംഭിക്കാനിരിക്കേയാണ് കുട്ടിയെ പ്രതിയായ ചെറിയച്ഛനും അടുത്ത ബന്ധുക്കളും ചേര്ന്ന് തട്ടിക്കൊണ്ടുപോയത്
കേസിനെ തുടര്ന്ന് മാതാപിതാക്കളോടൊപ്പം താമസിക്കാന് താല്പര്യമില്ലെന്ന് പെണ്കുട്ടി കോടതിയെ അറിയിച്ചിരുന്നു. ഇതേതുടര്ന്ന് പെണ്കുട്ടി മുത്തശ്ശിയുടെ വീട്ടില് താമസിച്ചു വരികയായിരുന്നു.കുട്ടിയെ ബലപ്രയോഗത്തിലൂടെ കൊണ്ടുപോയെന്നാണ് മുത്തശ്ശി പൊലീസില് പരാതി നല്കിയത്.
കുട്ടി നിലവില് മാതാപിതാക്കള്ക്കൊപ്പമായിരിക്കുമെന്ന നിഗമനത്തിലാണ് പൊലീസ്. എന്നാല് രക്ഷിതാക്കളുടെ ഫോണുകളും സ്വിച്ച്ഡ് ഓഫ് ചെയ്ത നിലയിലാണ്. സംഭവം അന്വേഷിക്കാന് പ്രത്യേക അന്വേഷണ സംഘത്തെ നിയോഗിച്ചിട്ടുണ്ട്. പാലക്കാട് ടൗണ് സൗത്ത് സിഐ ഷിജു എബ്രഹാമിന്റെ നേതൃത്വത്തിലാണ് കേസന്വേഷണം. കുട്ടിയെ തട്ടിക്കൊണ്ടുപോയ കാറിന്റെ നമ്പര് പ്ലേറ്റ് തുണികൊണ്ട് മറച്ചിരുന്നു. സംഘമെത്തിയ ബൈക്കിന്റെ നമ്പറും വ്യാജമാണെന്ന് പൊലീസ് കണ്ടെത്തി. ചെറിയച്ഛനുള്പ്പടെ ആറുപേരെ പൊലീസ് കസ്റ്റഡിയിലെടുത്തിട്ടുണ്ട്.