ഫാസിസത്തിനെതിരെ പോരാടാന് കേരളത്തിൽ കോണ്ഗ്രസും ഇടതും മുസ്ലീം ലീഗും ഉണ്ടാവണം: സാദിഖലി ശിഹാബ് തങ്ങള്
കേരളത്തില് കോണ്ഗ്രസും ഫാസിസത്തിനെതിരെ പോരാടാന് കോണ്ഗ്രസും ഇടതും മുസ്ലീം ലീഗും ഉണ്ടാവണമെന്ന് മുസ്ലീം ലീഗ് സംസ്ഥാന അധ്യക്ഷന് സാദിഖലി ശിഹാബ് തങ്ങള്. ബിജെപി ഒഴികെയുള്ള ഒരു രാഷ്ട്രീയ പാര്ട്ടിയോടും മുസ്ലീം ലീഗിന് എതിര്പ്പില്ലെന്നും അദ്ദേഹം ഒരു ഓൺലൈൻ മാധ്യമത്തിന് നൽകിയ അഭിമുഖത്തിൽ പറഞ്ഞു.
കേരളത്തിൽ അധികാരത്തിൽ നിന്നും ബിജെപിയെ അകറ്റി നിര്ത്തുന്നതില് ശക്തമായി നിലകൊള്ളുന്ന ഇടതുപക്ഷത്തെ മുസ്ലീംലീഗ് എതിര്ക്കുകയാണ്. കോണ്ഗ്രസ് പാര്ട്ടി ഇല്ലാത്ത കേരളത്തെ സങ്കല്പ്പിക്കാന് കഴിയുമോ. അത്രതന്നെ അപകടമാണ് സിപിഐഎം ഇല്ലാത്ത കേരളവുമെന്നും അദ്ദേഹം പറഞ്ഞു.
സിപിഎമ്മും കോണ്ഗ്രസും മുസ്ലീം ലീഗും ഉള്പ്പെടെ എല്ലാ പാര്ട്ടികളും ഇവിടെ നിലനില്ക്കണം. അതേസമയം, ഇടതുമുന്നണിയിൽ ചേരാന് മുസ്ലീം ലീഗ് ആഗ്രഹിക്കുന്നില്ലെന്നും സാദിഖലി ശിഹാബ് തങ്ങള് പറഞ്ഞു. നിലവിൽ ദേശീയ തലത്തില് കോണ്ഗ്രസിന്റെ നേതൃത്വത്തിലുള്ള മതേതര മുന്നണിയെ ശക്തിപ്പെടുത്തുകയാണ് ലക്ഷ്യം. അത് കാലഘട്ടത്തിന്റെ ആവശ്യമാണ്. കോണ്ഗ്രസ് ദുര്ബലമാകുന്നതിലൂടെ രാജ്യത്തെ ഏകാധിപത്യത്തിലേക്കും സ്വേച്ഛാധിപത്യത്തിലേക്കും തള്ളിവിടുകയാണെന്നും അദ്ദേഹം അഭിപ്രായപ്പെട്ടു.