വിജയ് ബാബു ദുബായില് നിന്ന് ജോര്ജിയയിലേക്ക് കടന്നു; റെഡ് കോര്ണര് നോട്ടീസ് പുറപ്പെടുവിക്കാൻ പോലീസ്
ബലാത്സംഗക്കേസിൽ പ്രതിയായ പ്രശസ്ത നടനും നിര്മാതാവുമായ വിജയ് ബാബുവിനെ നാട്ടിലെത്തിക്കാനുള്ള നീക്കം വീണ്ടും നീളുന്നു. വിജയ് ബാബു നിലവിൽ ദുബായില് നിന്ന് ജോര്ജിയയിലേക്ക് കടന്നതായാണ് വിവരം. ഇയാളുടെ പാസ്പോര്ട്ട് റദ്ദാക്കിയ പൊലീസ് വിസയും റദ്ദാക്കാനുള്ള നടപടികൾ തുടങ്ങിയിട്ടുണ്ട്.
ഈ മാസം 19-ന് പാസ്പോര്ട്ട് ഓഫീസര് മുൻപാകെ ഹാജരാകാമെന്ന് വിജയ് ബാബു അറിയിച്ചിരുന്നുവെങ്കിലും വിദേശത്ത് ഒളിവിൽ തുടരുകയായിരുന്നു.താന് ഇപ്പോൾ ഒരു ബിസിനസ് ടൂറിലാണെന്നും മെയ് 24ന് മാത്രമേ എത്തുകയുള്ളുവെന്നും വിജയ് ബാബു പാസ്പോര്ട്ട് ഓഫീസറെ അറിയിച്ചു. ഇതിനു പിന്നാലെ പോലീസ് നടത്തിയ അന്വേഷണത്തിലാണ് വിജയ്ബാബു ജോര്ജിയയിലേക്ക് കടന്നതായി വവരം ലഭിച്ചത് .
വിജയുടെ മുന്കൂര് ജാമ്യഹര്ജി ഹൈക്കോടതി തിങ്കളാഴ്ച മാത്രമേ ഇനി പരിഗണിക്കുകയുള്ളു. അതിനാലാണ് ജോര്ജിയയിലേക്ക് കടന്നതെന്നാണ് സൂചന. നിലവിൽ അന്താരാഷ്ട്ര തലത്തിൽ ഇന്ത്യയുമായി കുറ്റവാളികളെ കൈമാറാൻ ധാരണയില്ലാത്ത രാജ്യമാണ് ജോർജിയ.അതുകൊണ്ടുതന്നെ റെഡ് കോര്ണര് നോട്ടീസ് പുറപ്പെടുവിക്കാനാണ് പോലീസ് ഉദ്ദേശിക്കുന്നത്.ഒരുങ്ങുന്നത്