ജെസ്ന മരിയ ജയിംസിനായി ലുക്ക്ഔട്ട് നോട്ടിസ് പുറപ്പെടുവിച്ച് സിബിഐ
കോട്ടയം ജില്ലയിലെ കാഞ്ഞിരപ്പള്ളി എസ്ഡി കോളജിലെ രണ്ടാംവര്ഷ വിദ്യാര്ഥിനി ജെസ്ന മരിയ ജയിംസിനായി ലുക്ക്ഔട്ട് നോട്ടിസ് പുറപ്പെടുവിച്ച് സിബിഐ. പ്രാദേശികമായാണ് ലുക്ക്ഔട്ട് നോട്ടിസ്. 2018 മാര്ച്ച് 22നായിരുന്നു വെച്ചൂച്ചിറ സ്വദേശി ജെയിംസ് ജോസഫിന്റെ മകള് ജെസ്ന മരിയയെ (20) കാണാതാകുന്നത്.
അന്വേഷണങ്ങൾ നടത്തിയിട്ടും ജെസ്നയെ കണ്ടെത്താന് സാധിക്കാത്ത സാഹചര്യത്തിലാണ് 2021 ഫെബ്രുവരിയില് കേസ് അന്വേഷണം കേരളാ ഹൈക്കോടതി സിബിഐക്ക് വിട്ടത്. സിബിഐ കേസ് ഏറ്റെടുത്തതിന് ഒരു വര്ഷത്തിനു ശേഷമാണു ഇപ്പോൾ ലുക്ക്ഔട്ട് നോട്ടിസ് പുറപ്പെടുവിക്കുന്നത്. കേസ് അന്വേഷണം വിപുലപ്പെടുത്തുന്നതിന്റെ ഭാഗമായി ഇന്റര്പോളിന് യെലോ നോട്ടിസ് നല്കിട്ടുണ്ടെന്നും സിബിഐ അറിയിച്ചു. ജസ്നയെ തിരിച്ചറിയാന് സഹായിക്കുന്ന അടയാളങ്ങളും വിവരങ്ങളും അടക്കമാണ് നോട്ടിസ് പുറത്തിറിക്കിയിരിക്കുന്നത്.
മുണ്ടക്കയം പുഞ്ചവയലിലുള്ള ബന്ധുവീട്ടിലേക്കെന്നു പറഞ്ഞു പോയ ജെസ്നയെ പിന്നീട് കാണാതാവുകയായിരുന്നു. മകള് മകൾ തിരികെ എത്തിയില്ല എന്ന് കാട്ടി പിതാവ് നല്കിയ പരാതിയിലാണ് പൊലീസ് അന്വേഷണം ആരംഭിച്ചത്. ആദ്യ ഘട്ടത്തിൽക് ലോക്കല് പൊലീസും പിന്നീട് ഐജിയുടെ നേതൃത്വത്തിലുള്ള സംഘവും അന്വേഷണം നടത്തി. സൈബര് വിദഗ്ധരുടെ സഹായത്തോടെ പതിനായിരക്കണക്കിനു ഫോണ് കോളുകള് കേന്ദ്രീകരിച്ചും നടത്തിയിട്ടും ഫലമുണ്ടായില്ല.