യോഗി മതത്തെ ഉപയോഗിച്ച് ധ്രുവീകരണത്തിന് ശ്രമിക്കുന്നു: പ്രിയങ്ക ഗാന്ധി
യുപി മുഖ്യമന്ത്രി യോഗി ആദിത്യനാഥിനെതിരെ രൂക്ഷമായ വിമർശനവുമായി പ്രിയങ്ക ഗാന്ധി . സ്വന്തം പരാജയം മറക്കാനാണ് യോഗി ശ്രമിക്കുന്നതെന്ന് പറഞ്ഞ പ്രിയങ്ക, സംസ്ഥാനങ്ങളുടെ പേരിലല്ല, രാജ്യത്തെ ഒന്നായാണ് കാണേണ്ടതെന്ന് ഓർമ്മപ്പെടുത്തി.
എല്ലാ മേഖലയിലും പരാജയമായതോടെ യോഗി ആദിത്യനാഥ് മതത്തെ ഉപയോഗിച്ച് ഇപ്പോൾ ധ്രുവീകരണത്തിന് ശ്രമിക്കുകയാണ്. സ്വന്തം പരാജയം മറയ്ക്കാനാണ് യോഗി കേരളത്തെ കുറ്റപ്പെടുത്തുന്നത്. വിദ്യാഭ്യാസത്തിൽ ഉൾപ്പെടെ കേരളം മുന്പന്തിയിലെത്തിയതാണോ കുറ്റമെന്നും പ്രിയങ്ക ഗാന്ധി ചോദിക്കുന്നു.
ഈ തെരഞ്ഞെടുപ്പോടെ യുപിയില് കോണ്ഗ്രസ് ശക്തമായി തിരിച്ചുവരുമെന്നും ജനങ്ങള് വളരെയധികം പ്രതിസന്ധികളിലൂടെയാണ് കടന്ന് പോകുന്നതെന്നും പ്രിയങ്ക ആത്മവിശ്വാസം പ്രകടിപ്പിച്ചു. സാധാരണക്കാരായ ജനങ്ങളുടെ പ്രശ്നങ്ങളെ അഭിമുഖീകരിക്കാന് കഴിയുന്ന രാഷ്ട്രീയ പാര്ട്ടിക്ക് അവര് വോട്ട് ചെയ്യുമെന്നാണ് പ്രതീക്ഷിക്കുന്നതെന്നും പ്രിയങ്ക ഗാന്ധി പറഞ്ഞു.
ലഖിംപൂര്, ഉന്നാവോ കേസുകളില് പ്രതിസ്ഥാനത്ത് വരുന്നവര് അധികാരത്തില് ഇരിക്കുന്നവരോ അധികാരവുമായി ബന്ധപ്പെട്ടവരോ ആണ്. ഇരയെ സംരക്ഷിക്കുന്നതിനെക്കാള് പ്രതികളെ സംരക്ഷിക്കാനാണ് പൊലീസ് അടക്കം ശ്രമിക്കുന്നത്. അക്രമങ്ങള്ക്ക് ഇരയായ ശേഷവും സ്ത്രീകള് അപമാനിക്കപ്പെടുകയാണ്. ഇത്തരം അതിക്രമങ്ങള് തടയാന് സര്ക്കാര് ഒന്നും ചെയ്തിട്ടില്ലെന്ന് വ്യക്തമാണെന്നും പ്രിയങ്ക ഗാന്ധി ആരോപിച്ചു.