ഹലാൽ ഭക്ഷണ വിവാദം കനക്കുന്നതിനിടെ ട്വിറ്ററിൽ വൈറലായി ഹലാൽ ഗോമൂത്രം
കേരളത്തിൽ ഹലാൽ ഭക്ഷണ വിവാദം കനക്കുന്നതിനിടെ സോഷ്യൽ മീഡിയയായ ട്വിറ്ററിൽ വൈറലാവുകയാണ് ഹലാൽ ഗോമൂത്രം. ശരിക്ക് പറഞ്ഞാൽ ഹലാലുമായി യാതൊരു ബന്ധവുമില്ലാത്തതാണ് ഈ ഗോമൂത്രമെങ്കിലും പൊതു വിപണിയിലെ മാർക്കറ്റിംഗിന് വേണ്ടിയാണ് ഈ രീതിയിൽ ഒരു ബ്രാൻഡിംഗ് കമ്പനി ഉപയോഗിച്ചതെന്നാണ് ലഭ്യമാകുന്ന സൂചന.
ഡോ. ഭാട്ടിയ എന്ന് പേരുള്ള ഒരാളുടെ കമ്പനിയെന്നാണ് ഇത് ട്വീറ്റുകളിൽ ചിലർചൂണ്ടിക്കാണിക്കുന്നത്. ചിത്രങ്ങളിൽ ഹെർബൽ ഗോമൂത്രമെന്നും പൂർണമായും ഹലാലെന്നും ഗോമൂത്ര കുപ്പിയിൽ രേഖപ്പെടുത്തിയിരിക്കുന്നത് കാണാൻ സാധിക്കും.
പ്രധാനമായും സംഘപരിവാർ കേന്ദ്രങ്ങളാണ് രാജ്യത്ത് ഗോമൂത്ര ഗുണങ്ങളെപ്പറ്റി വലിയ തോതിൽ പ്രചരണങ്ങൾ നടത്തുന്നത്. ഏറ്റവും ഒടുവിലായി കൊവിഡ് സുഖപ്പെടുത്താൻ ചാണകം ഗുണകരമാണെന്നും സംഘപരിവാർ കേന്ദ്രങ്ങൾ പ്രചരിപ്പിച്ചിരുന്നു. ഇത്തരത്തിലുള്ള വിവാദങ്ങൾക്ക് പിന്നാലെയാണ് ഹലാൽ ഗോമൂത്രവും ചർച്ചയാവുന്നത്.