അടച്ചുപൂട്ടൽ നീളുമോ നിർത്തുമോ? മുഖ്യമന്ത്രിമാരും പ്രധാനബമന്ത്രിമാരുമായുള്ള ചർച്ച ഇന്ന്
രാജ്യത്ത് കോവിഡ് 19 വ്യാപനം രൂക്ഷമായി തുടരുന്ന പശ്ചാത്തലത്തില് പ്രധാനമന്ത്രി നരേന്ദ്രമോദി സംസ്ഥാന മുഖ്യമന്ത്രിമാരുമായി ഇന്ന് ചര്ച്ച നടത്തുകയാണ്. വീഡിയോ കോണ്ഫറന്സ് വഴിയാണ് ചര്ച്ച. കോവിഡ് രോഗ വ്യാപനവും ലോക്ക്ഡൗണിനെത്തുടര്ന്നുള്ള സ്ഥിതിവിശേഷങ്ങളും പ്രധാനമന്ത്രി മുഖ്യമന്ത്രിമാരുമായി ചര്ച്ച ചെയ്യും.
അടച്ചിടല് വീണ്ടും നീട്ടണമെന്ന് ആറ് സംസ്ഥാനങ്ങള് കേന്ദ്രസര്ക്കാരിനോട് ആവശ്യപ്പെട്ടിട്ടുണ്ട്. ഡല്ഹി, മഹാരാഷ്ട്ര, പശ്ചിമബംഗാള്, പഞ്ചാബ്, മധ്യപ്രദേശ്, ഒഡിഷ എന്നീ സംസ്ഥാനങ്ങളാണ് ഈയാവശ്യം ഉന്നയിച്ചത്.
രാജ്യത്തെ 13 നഗരങ്ങളില് രോഗവ്യാപനം ശക്തമാണെന്നാണ് ആരോഗ്യമന്ത്രാലയത്തിന്റെ വിലയിരുത്തല്. 718 ജില്ലകളില് 429 ഇടത്ത് കോവിഡുണ്ടെന്നും 289 ജില്ലകളില് കോവിഡ് കാര്യമായി റിപ്പോര്ട്ട് ചെയ്തിട്ടില്ലെന്നുമാണ് ആരോഗ്യമന്ത്രാലയത്തിന്റെ കണക്ക്.
ഇക്കാര്യം ഇന്നത്തെ യോഗത്തില് ചര്ച്ചയാകും. അടച്ചിടല് നിലവില് വന്നതിനുശേഷം മൂന്നാംവട്ടമാണ് പ്രധാനമന്ത്രി മുഖ്യമന്ത്രിമാരുമായി ചര്ച്ച നടത്തുന്നത്. നിലവില് മേയ് മൂന്നുവരെയാണ് രാജ്യവ്യാപക അടച്ചിടല് പ്രഖ്യാപിച്ചിരിക്കുന്നത്.
ഗുജറാത്ത്, ആന്ധ്രപ്രദേശ്, തമിഴ്നാട്, ഹരിയാണ, ഹിമാചല്പ്രദേശ്, കര്ണാടക എന്നീ സംസ്ഥാനങ്ങള് അടച്ചിടല് സംബന്ധിച്ച് കേന്ദ്രസര്ക്കാരിൻ്റെനിര്ദേശം അംഗീകരിക്കുമെന്നാണ് അറിയിച്ചിട്ടുള്ളത്. തെലങ്കാന നേരത്തേതന്നെ അടച്ചിടല് മേയ് ഏഴുവരെ നീട്ടിയിരുന്നു. കേന്ദ്ര ആഭ്യന്തരമന്ത്രാലയം പ്രഖ്യാപിച്ച ഇളവുകളും അവര് നടപ്പാക്കിയിരുന്നില്ല.
തീവ്രവ്യാപനമേഖലകളില് മേയ് 18 വരെ അടച്ചിടല് നീട്ടണമെന്നാണ് മഹാരാഷ്ട്രയുടെ നിലപാട്. ഇന്നത്തെ ചര്ച്ചയില് ഒമ്പത് സംസ്ഥാനങ്ങളിലെ മുഖ്യമന്ത്രിമാരായിരിക്കും പ്രധാനമന്ത്രിയുമായി സംസാരിക്കുകയെന്നാണ് സൂചന. നേരത്തേ നടന്ന ചര്ച്ചകളില് സംസാരിക്കാന് അവസരം ലഭിക്കാതിരുന്ന ബിഹാര്, ഒഡിഷ, ഗുജറാത്ത്, ഹരിയാണ, ഉത്തരാഖണ്ഡ്, ഹിമാചല്പ്രദേശ്, മിസോറം, മണിപ്പൂര് സംസ്ഥാനങ്ങള്ക്കും കേന്ദ്രഭരണ പ്രദേശമായ പുതുച്ചേരിക്കുമായിരിക്കും അവസരം ലഭിക്കുക.
രോഗവ്യാപന മേഖലകളില് അടച്ചിടല് നിലനിര്ത്തണമെന്നും രോഗബാധയില്ലാത്ത മേഖലകളില് സാമൂഹിക അകലം പാലിച്ചുകൊണ്ട് കൂടുതല് ഇളവുകള് ഏര്പ്പെടുത്തണമെന്നും സംസ്ഥാനങ്ങള് ആവശ്യപ്പെടുമെന്നാണ് സൂചനകൾ.