നിരപരാധികളെ കൊല്ലുന്നത് നിങ്ങളുടെ വിനോദമാണ്, നിങ്ങൾ നൽകുന്ന മരുന്ന് വെെറസിനെ ഇവിടെ സ്ഥിരമായി പ്രതിഷ്ഠിച്ചാലോ? : കൊറോണയ്ക്ക് എതിരെയുള്ള അമേരിക്കൻ സഹായം തള്ളിക്കളഞ്ഞ് ഇറാൻ
![single-img](https://www.evartha.in/archive/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2020/03/5e18e734f4423124f5480c2a.jpg)
കൊറോണയ്ക്ക് എതിരെയുള്ള അമേരിക്കൻ സഹായം ഇറാന് പരമോന്നത നേതാവ് ആയത്തുല്ല അലി ഖൊമേനി തള്ളിക്കളഞ്ഞു. കൊറോണ വൈറസ് യുഎസിന്റെ ജൈവായുധ പ്രയോഗമാണെന്നും ഇറാനിലുള്ളവർക്കായി പ്രത്യേകം സൃഷ്ടിച്ചതാണന്നുമാണ് ആയത്തുല്ല അലി ഖൊമേനി പറഞ്ഞു. മഹാമാരി അമേരിക്കന് ഗൂഢാലോചനയാണെന്ന് ചൈനീസ് വിദേശകാര്യ വക്താവ് സാവോ ലിജിയാന് ആരോപിച്ചതിനു പിന്നാലെയാണ് കൊറോണ വൈറസ് യുഎസ് സൃഷ്ടിയാണെന്നു ആരോപിച്ച് ഖൊമേനിയും രംഗത്തു വന്നത്.
കൊറോണ വൈറസിനെതിരായ പോരാട്ടത്തിൽ സഹായം നൽകാമെന്ന് യുഎസ് പലതവണ ഞങ്ങൾക്ക് വാഗ്ദാനം നൽകി. വൈറസിനെ സൃഷ്ടിച്ചത് യുഎസ് ആണെന്ന് ചൈനയുൾപ്പെടെയുള്ള രാജ്യങ്ങൾ വിമർശനം ഉയർത്തുന്നതിനിടെയാണിത്. ഉപരോധം കൊണ്ട് ഞങ്ങളെ ശ്വാസം മുട്ടിച്ച, ഞങ്ങളുടെ ജീവരക്തത്തിനായി ദാഹിക്കുന്ന നിങ്ങൾ ഞങ്ങൾക്കു നേരേ സഹായഹസ്തം നീട്ടുന്നത് വിചിത്രമാണ്- ഖെമേനി പറയുന്നു.
കൊറോണ വൈറസിനെതിരെ ഇറാൻ്റെ പോരാട്ടത്തിലെ ന്യൂനതകൾ ഞങ്ങൾ നിഷേധിക്കുന്നില്ല. എന്നാൽ നിങ്ങൾ നൽകുന്ന മരുന്ന് വൈറസിനെ എക്കാലത്തും ഇറാനിൽ പ്രതിഷ്ഠിക്കുന്നതാണെങ്കിലോ എന്ന ചോദ്യവും അയത്തുള്ള അലി ഖൊമേനി ഉയർത്തി.
ഇറാൻ ഇറാന് പ്രസിഡന്റ് ഹസന് റൂഹാനിയും അമേരിക്കയ്ക്ക് എതിരെ രംഗത്തെത്തി. നിരപരാധികളെ കൊല്ലുന്നത് അവരുടെ വിനോദമാണ്. ഇനിയെങ്കിലും അതിനൊരു അറുതി വേണം. ചിന്തിക്കുന്നതിലും അപ്പുറമാണ് ഇറാനിൽ കൊറോണ വൈറസ് ബാധിതരുടെ ദുരിതം. ഈ വേളയിലും അമേരിക്കന് ഉപരോധം തുടരുന്നത് ഇറാനിലെ ജനതയോടുള്ള കൊടിയഅപരാധമാണ്. യുഎസ് ഉപരോധമുള്ളതിനാൽ മരുന്നുക്ഷാമം നേരിടുന്ന രാജ്യമാണ് ഇറാന്. ഇന്ത്യയുൾപ്പെടെയുള്ള രാജ്യങ്ങൾ ഇതിൽ ഇടപെടണം. – ഇന്ത്യൻ പ്രധാനമന്ത്രി നരേന്ദ്ര മോദി ഉൾപ്പെടെയുള്ള ലോകനേതാക്കൾക്ക് അയച്ച കത്തിൽ ഹസന് റൂഹാനി പറഞ്ഞു.