എന്റെ സഹോദരീസഹോദരങ്ങള്ക്ക് നന്ദി പറയുന്നു; എസ്പിജി അംഗങ്ങള്ക്ക് നന്ദി പറഞ്ഞ് രാഹുല് ഗാന്ധി
തങ്ങൾക്ക് സുരക്ഷാ നൽകിയിരുന്ന സ്പെഷ്യല് പ്രൊട്ടക്ഷന് ഗാര്ഡിലെ അംഗങ്ങള്ക്ക് നന്ദി പറഞ്ഞ് കോണ്ഗ്രസ് നേതാവ് രാഹുല് ഗാന്ധി. “കഴിഞ്ഞ കുറെയേറെ വര്ഷങ്ങളായി എന്റേയും കുടുംബത്തിന്റെ ജീവന് രക്ഷിക്കുന്നതിനായി അക്ഷീണം പ്രയത്നിച്ച എസ്പിജിയിലെ എന്റെ സഹോദരീസഹോദരങ്ങള്ക്ക് നന്ദി പറയുന്നു.
നിങ്ങളുടെ അര്പ്പണ, പിന്തുണകളോടെയുമുള്ള എന്റെ യാത്രകള് സ്നേഹപൂര്വമായിരുന്നു. അത് ഒരു അനുഗ്രഹമായിരുന്നു. എല്ലാവര്ക്കും നന്ദി. നിങ്ങള്ക്ക് എല്ലാ ഭാവുകങ്ങളും നേരുന്നു”.-രാഹുല് ഗാന്ധി ട്വിറ്ററില് എഴുതി.
സോണിയ, രാഹുല്, പ്രിയങ്കഎന്നിങ്ങനെ ഗാന്ധി കുടുംബത്തിന്റെ നല്കിയിരുന്ന എസ്പിജി സുരക്ഷ കേന്ദ്രസര്ക്കാര് ഇന്ന് പിന്വലിച്ചിരുന്നു. മൂവര്ക്കും നിലവില് ഗൗരവമായ സുരക്ഷാഭീഷണിയില്ലെന്ന വിലയിരുത്തലിന്റെ അടിസ്ഥാനത്തിലാണ് ആഭ്യന്തരമന്ത്രാലയത്തിന്റെ തീരുമാനം. പകരമായി ഇവര്ക്ക് സിആര്പിഎഫിന്റെ ഇസഡ്പ്ലസ് സുരക്ഷ നല്കും.
എന്നാല് കേന്ദ്ര തീരുമാനം രാഷ്ട്രീയ പകപോക്കലില് നേതാക്കളുടെ ജീവന് പന്താടുകയാണെന്ന് എഐസിസി ജനറല്സെക്രട്ടറി കെ സി വേണുഗോപാല് പ്രതികരിച്ചു. തീരുമാനം രാഷ്ട്രീയ പകപോക്കലാണെന്നാണ് കോണ്ഗ്രസിന്റെ പ്രതികരണം.