അമിത്ഷാ ഇത്തരത്തില്‍ നുണ പറയുന്നത് ദുഖകരം; താന്‍ വീട്ടുതടങ്കലിലെന്ന് ഫാറൂഖ് അബ്ദുള്ള;അല്ലെന്ന് അമിത് ഷാ
6 August 2019
ന്യൂഡല്‍ഹി: നാഷണല്‍ കോണ്‍ഫറന്‍സ് നേതാവ് ഫാറൂഖ് അബ്ദുല്ലയെ തടവില്‍ വെക്കുകയോ അറസ്റ്റ് ചെയ്യുകയോ ചെയ്തിട്ടില്ലെന്ന് കേന്ദ്ര ആഭ്യന്തര മന്ത്രി അമിത് ഷാ ലോക്സഭയില്‍ പറഞ്ഞു. എന്നാല്‍ താന്‍ തടവിലാണെന്നും ആഭ്യന്തര മന്ത്രി ഇങ്ങനെ കള്ളം പറയുന്നതില്‍ ദുഃഖം തോന്നുന്നുവെന്നും ഫാറൂഖ് അബ്ദുല്ല ഒരു ദേശീയ മാധ്യമത്തോട് പ്രതികരിച്ചു.
ഫറൂഖ് അബ്ദുള്ളയടക്കം പ്രധാന നേതാക്കളെ വീട്ടുതടങ്കലിലാക്കിയ ശേഷമാണ് കേന്ദ്രസര്‍ക്കാര്‍ ആര്‍ട്ടിക്കിള്‍ 370 റദ്ദാക്കുന്നതിനും കശ്മീരിനെ വിഭജിക്കുന്നതിനുമുള്ള ബില്ലുകള്‍ ലോക്സഭയില്‍ അവതരിപ്പിച്ചത്.
വിഷയത്തില്‍ പാര്‍ലമെന്റില്‍ നടന്ന ചര്‍ച്ചയ്ക്കിടെ ഫാറൂഖ് അബ്ദുള്ള വീട്ടുതടങ്കലിലല്ലെന്ന് ആഭ്യന്തര മന്ത്രി അമിത് ഷാ പറഞ്ഞിരുന്നു.
