ബലിപെരുന്നാള്; പ്രവാസികള്ക്ക് തിരിച്ചടിയായി വിമാന ടിക്കറ്റ് നിരക്കില് വന് വര്ദ്ധനവ്
4 August 2019
ഗള്ഫ് രാജ്യങ്ങളില് ബലിപെരുന്നാള് ഈ മാസം 11 -ന് ആഘോഷിക്കാനിരിക്കെ പ്രവാസികള്ക്ക് തിരിച്ചടി നല്കി വിമാന ടിക്കറ്റ് നിരക്കില് വന് വര്ദ്ധനവ്. ഈ മാസം 8- ന് ഗള്ഫില് നിന്ന് നാട്ടിലേക്കും ഓഗസ്റ്റ് 17-ന് തിരികെ ഗള്ഫ് നാടുകളിലേക്കും യാത്ര ചെയ്യുന്നവരെയാണ് ടിക്കറ്റ് നിരക്ക് വര്ദ്ധനവ് ബാധിക്കുന്നത്. 8-നുള്ള ഷാര്ജ- ദില്ലി എയര് അറേബ്യ വിമാനത്തിന് 2,608 ദിര്ഹ( 49,468.18 രൂപ)മാണ് ടിക്കറ്റ് നിരക്ക്.
അതേ ദിവസം മുംബൈയിലേക്കുള്ള ടിക്കറ്റ് നിരക്ക് 2,993 ദിര്ഹ(56,770.80 രൂപ)മാണ്. സമാനമായി 53,242.78 രൂപയാണ് കറാച്ചിയിലേക്കുള്ള എയര് അറേബ്യ ടിക്കറ്റ് നിരക്ക്. എമിറേറ്റ്സിന്റെയും ഫ്ലൈദുബായിയുടെയും ടിക്കറ്റ് നിരക്കും കുത്തനെ ഉയര്ന്നിട്ടുണ്ട്. ഓഗസ്റ്റ് 8 ന് മുംബൈയിലേക്കുള്ള വിമാന ടിക്കറ്റ് നിരക്ക് 62,878.45 രൂപയാണ്.