രാജ്യസഭയില് എം.പിമാരുടെ മൈക്കുകളില്നിന്ന് പുക
രാജ്യസഭയില് എംപിമാരുടെ മൈക്കുകളില്നിന്നു പുക ഉയര്ന്നത് പരിഭ്രാന്തി പരത്തി. നാലാം നിരയിലെ തന്റെ സീറ്റില്നിന്നു പുക ഉയരുന്നതായി മുന് മന്ത്രി അല്ഫോന്സ് കണ്ണന്താനമാണ് ആദ്യം പരാതിപ്പെട്ടത്. ഇതിനു പിന്നാലെ ബിജെപി എംപിമാരായ ശിവ്പ്രതാപ് ശുക്ല, പുരുഷോത്തം രുപാല എന്നിവരുടെ മൈക്കുകളില്നിന്നും പുക ഉയര്ന്നു.
ഇതേത്തുടര്ന്നു രാജ്യസഭ 15 മിനിറ്റ് നിര്ത്തിവച്ചതായി അധ്യക്ഷന് അറിയിച്ചു. അധ്യക്ഷന് വെങ്കയ്യ നായിഡുവിന്റെ നിര്ദേശപ്രകാരം ഉദ്യോഗസ്ഥരെത്തി പുക ഉയരുന്നതു സംബന്ധിച്ചു പരിശോധന നടത്തി. ഷോര്ട്ട് സര്ക്യൂട്ടാണു പുക ഉയരാന് കാരണമെന്നാണു വിവരം.
പാപ്പരത്ത നിയമ ഭേദഗതി ബില്, ക്രമപ്രകാരമല്ലാത്ത നിക്ഷേപങ്ങള് നിരോധിക്കുന്നതിനുള്ള ബില്, മുത്തലാഖ് ബില് തുടങ്ങിയവയാണ് രാജ്യസഭ ഇന്നു പരിഗണിക്കുന്നത്. ഇതിനിടെ ഉന്നാവോ പെണ്കുട്ടിക്ക് സംഭവിച്ച വാഹനാപകടം ചര്ച്ച ചെയ്യണമെന്നും ആവശ്യമുയര്ന്നു. സമാജ് വാദി എം.പി. രാംഗോപാല് യാദവാണ് ഈ വിഷയം സഭയില് ഉന്നയിച്ചത്. തുടര്ന്ന് ബഹളമുണ്ടാവുകയും ഉച്ചയ്ക്ക് 12 മണി വരെ സഭ വീണ്ടും നിര്ത്തിവെയ്ക്കുകയും ചെയ്തു.